Shruti Vilas Kadam
4 चपात्या किंवा पराठे, 2 उकडलेले बटाटे, 1 कांदा (बारीक चिरलेला), 1 सिमला मिरची (बारीक चिरलेली), 1 टीस्पून आले-लसूण पेस्ट, 1 टीस्पून लाल तिखट, 1/2 टीस्पून गरम मसाला, मीठ चवीनुसार, टोमॅटो सॉस, हिरवी चटणी, तेल किंवा बटर
कढईत थोडे तेल गरम करून आले-लसूण पेस्ट परता. त्यामध्ये कांदा आणि सिमला मिरची घालून हलके परतून घ्या.
उकडलेले बटाटे मॅश करून त्यात लाल तिखट, गरम मसाला आणि मीठ घाला. हे मिश्रण परतलेल्या भाज्यांमध्ये मिसळून 2-3 मिनिटे शिजवा.
तव्यावर चपाती किंवा पराठा दोन्ही बाजूंनी हलके गरम करून घ्या. हवे असल्यास थोडे बटर लावू शकता.
गरम चपातीवर हिरवी चटणी आणि टोमॅटो सॉस समान प्रमाणात पसरवा. त्यामुळे फ्रँकीला छान चव येते.
चपातीच्या मध्यभागी तयार केलेले बटाट्याचे सारण ठेवा. वरून कांदा घालून चपाती घट्ट रोल करा.
तयार फ्रँकी अॅल्युमिनियम फॉइल किंवा बटर पेपरमध्ये गुंडाळून सर्व्ह करा. सोबत सॉस किंवा चटणी दिल्यास चव आणखी वाढते.