आज विदर्भामध्ये उष्णतेच्या लाटेचा इशारा हवामान विभागाने दिला आहे. तर मराठवाड्यात आणि मध्य महाराष्ट्र विजांच्या कडकडाटासह वादळी पावसाची शक्यता आयएमडीने वर्तविली आहे. मागील ४८ तासांत राज्याच्या काही भागांमध्ये हवामानात काही अनपेक्षित बदलांची नोंद केली गेली आहे. बुधवारी पुण्यामध्ये तापमानात अचानक ९ ते १० अंशांची घट झाल्याचं जाणवलं. तिथे अचानक काहीसं थंड वातावरण जाणवत आहे.

पुणे आणि सातारा, सांगली पट्ट्यामध्ये हवेत गारवा जाणवणार असल्याचं सांगण्यात आलं (Maharashtra Weather Forecast) आहे, तर मुंबईत देखील २४ तासांत शहर आणि उपनगरांमध्ये तापमानात मोठी घट पाहायला मिळाली आहे. परंतु उष्मा कमी न झाल्यामुळे नागरिकांना अजून उकाड्यापासून दिलासा मिळालेला नाही. विदर्भात अजूनही उन्हाचा चटका कायम आहे. आज मुंबईसह उत्तर कोकणामध्ये उष्ण आणि दमट हवामानाचा, तर चंद्रपूरमध्ये उष्ण लाटेचा इशारा हवामान विभागाने दिला (Rain Alert) आहे.

महाराष्ट्रात देखील विदर्भामध्ये उन्हाचा तडाखा अधिक तापदायक ठरत आहे. चंद्रपूर, ब्रह्मपुरी, वर्धा येथे काल प्रत्येकी ४५.२ अंश तापमान नोंदवले गेले. तेथे उष्णतेची लाट होती. चंद्रपूरमध्ये उष्णतेची लाट कायम राहणार आहे. तर मुंबई, पालघर आणि ठाण्याला उष्ण आणि दमट हवामानासाठी येलो अलर्ट दिला गेला आहे. बंगालच्या उपसागरामधील ‘रेमल’ चक्रीवादळ निवळल्याची माहिती (Maharashtra Monsoon Latest Update) मिळत आहे. नागपूर, चंद्रपूर, वर्धा या तिन्ही जिल्ह्यांना उष्ण लाटेचा अंदाज प्रादेशिक हवामान विभागाने व्यक्त केला आहे.

पुढील २४ तासांसाठी मुंबई, ठाणे, पालघरला उष्णतेचा यलो अलर्ट (Heat Wave Alert) देण्यात आला आहे. मुंबई, पालघर, ठाण्यामध्ये आकाश अंशत: ढगाळ राहणार आहे. हवामान विभागानं दमट हवामान राहणार असल्याचं स्पष्ट केलं आहे. कोकण आणि मराठवाड्यात पावसाची शक्यता वर्तविण्यात आलीय. दमट हवामान राहील असं हवामान विभागानं स्पष्ट केलं आहे. पुढील चार दिवसांमध्ये राज्यात पावसाची हजेरी पाहायला मिळणार असं आयएमडीने सांगितलं आहे. राज्यात १० जूनपर्यंत मान्सुनचं आगमन होण्याची शक्यता आहे.