• पुढील ५ दिवस महाराष्ट्रात मुसळधार पावसाचा इशारा

• पालघर, रायगड, नाशिक घाट, पुणे घाट आणि सातारा घाट येथे रेड अलर्ट

• अनेक जिल्ह्यांमध्ये येलो आणि ऑरेंज अलर्ट जारी

• नागरिकांना काळजी घेण्याचे आवाहन

यंदा मान्सून महाराष्ट्रात उशिरा दाखल झाला. मान्सून उशिरा आल्यामुळे यंदा पाऊस कमी पडेल असा अंदाज हवामान खात्याने वर्तवला होता. पण गेल्या ५ दिवसांपासून पाऊस राज्यात धुमाकूळ घालत आहे. या पाच दिवसांत मुसळधार पावसामुळे राज्यातील धरणांच्या पाणीसाठ्यात मोठ्या प्रमाणात वाढ झाली आहे. नदी-नाले तुडुंब भरून वाहत आहेत. अनेक जिल्ह्यात पूरसदृश्य परिस्थिती आहे. संपूर्ण जून महिन्यात जेवढा पाऊस पडणार होता तेवढा पाऊस १ ते ६ जुलै या कालावधीत पडला. राज्यात पाऊसाचा कहर सुरूच आहे. अशाच हवामान खात्याने पुढचे ६ दिवस महत्वाचे असल्याचा अंदाज वर्तवला आहे.

राज्यात ८ जुलै ते १२ जुलै या कालावधीत अतिवृष्टी होण्याचा इशारा हवामान खात्याने दिला आहे. या कालावधील अनेक जिल्ह्यांना पावसाचा येलो, ऑरेंज आणि रेड अलर्ट देण्यात आला आहे. या कालावधीत वादळी वारे आणि विजांच्या कडकडाटासह तुफान पाऊस पडण्याची शक्यता आहे. त्यामुळे नागरिकांनी सावध राहावे आणि काळजी घ्यावी असे आवाहन हवामान खात्याने केले आहे. रेड अलर्ट असलेल्या जिल्ह्यातील नागरिकांनी सुरक्षित ठिकाणी राहण्याचे देखील आवाहन करण्यात आले आहे.

८ जुलै -

येलो अलर्ट - नुंदरबार, धुळे, जळगाव, संभाजीनगर,

अहिल्यानगर, बुलडाणा, अकोला, अमरावती,

वर्धा, रत्नागिरी, सिंधुदुर्ग, कोल्हापूर घाट, पुणे.

येलो अलर्ट - ठाणे , मुंबई शहर, मुंबई उपनगर, नाशिक

रेड अलर्ट - पालघर, रायगड, नाशिक घाट, पुणे घाट, सातारा घाट.

९ जुलै -

येलो अलर्ट - नंदुरबार, धुळे, जळगाव, अहिल्यानगर,

रत्नागिरी, रायगड, कोल्हापूर घाट, पुणे, ठाणे, मुंबई शहर, मुंबई उपनगर, नाशिक, नाशिक

घाट, पालघर.

ऑरेंज अलर्ट - सातारा घाट, पुणे घाट.

१० जुलै-

येलो अलर्ट - नागपुर, वर्धा, भंडारा, चंद्रपूर, गोंदिया,

गडचिरोली.

११ जुलै-

येलो अलर्ट - नागपूर, वर्धा, भंडारा, चंद्रपूर, गोंदिया,

गडचिरोली.

१२ जुलै-

येलो अलर्ट - नागपूर, वर्धा, चंद्रपूर, गडचिरोली, यवतमाळ,

वाशिम, अमरावती.