लोकसभा निवडणुकीचे पडघम वाजू लागले आणि कोल्हापूर जिल्ह्यातील हातकणंगले लोकसभा मतदारसंघात राजकीय वादळ घोंगावू लागलंय. या मतदार संघातील शिवसेनेचे विद्यमान खासदार धैर्यशील माने यांच्या विरुद्ध आता पुन्हा एकदा स्वाभिमानी शेतकरी संघटनेचे नेते राजू शेट्टी शड्डू ठोकून उभे ठाकले आहेत. तर सदाभाऊ खोत यांनी देखील या जागेवर आपला दावा सांगण्याचा प्रयत्न केला आहे. त्यामुळे या मतदारसंघाकडे संपूर्ण राज्याचं विशेष लक्ष लागलं आहे.
शेतकरी संघटनेमुळे कोल्हापूर जिल्ह्यातील हातकणंगले मतदारसंघाकडे संपूर्ण राज्याचं लक्ष या मतदारसंघाकडे असतं. मतदार संघात तीन तगडे उमेदवार आहेत. त्यामध्ये शिवसेना गटाचे विद्यमान खासदार धैर्यशील माने, स्वाभिमानी शेतकरी संघटनेचे नेते माजी खासदार राजू शेट्टी, एकेकाळचे राजू शेट्टीचे मित्र आणि सध्या रयत शेतकरी संघटनेचे नेते सदाभाऊ खोत यांनी दावा केला आहे. तर शरद पवार राष्ट्रवादी गटाकडून इच्छुक उमेदवार रोहित पाटील असे चार उमेदवार आहेत. त्यामुळे या मतदारसंघात चौरंगी लढत लागण्याची शक्यता असल्यामुळे विद्यमान खासदार धैर्यशील माने यांच्या समोर मोठं आव्हान असणार आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
खासदार धैर्यशील माने यांच्यावर मतदार नाराज असल्याची चर्चा आहे. त्यामुळे येणाऱ्या निवडणुकीत आपला पत्ता कापला जाऊ नये यासाठी धैर्यशील माने हे पुन्हा एकदा ऍक्टिव्ह झाले आहेत. कालच हातकणंगले तालुक्यात निमशिरगाव इथं राष्ट्रवादीचे नेते शरद पवार यांच्या कार्यक्रमातील व्यासपीठावर धैर्यशील माने देखील उपस्थित होते. या कार्यक्रमात धैर्यशील माने यांनी थेट शरद पवार आणि काँग्रेसचे आमदार सतेज पाटील यांचं भरभरून कौतुक केल्याने राजकारण्यांच्या भुया उंचावल आहेत. आमदार सतेज पाटील यांची शिरोळ तालुक्यावर देखील चांगली पकड आहे. त्यामुळे सतेज पाटील यांची कळ काढून चालत नाही असं विधानही धैर्यशील माने यांनी केलं. ऐन निवडणुकीच्या तोंडावर धैर्यशील माने यांनी धास्ती घेतली की सावध पवित्र घेतला यावर राजकीय चर्चा रंगू लागली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.