प्रमोद जगताप, प्रतिनिधी

Sharad Pawar News:

राष्ट्रवादी पक्ष आणि चिन्हाचा वाद आता निवडणूक आयोगाच्या कोर्टात गेला आहे. उद्या (शुक्रवार, ६ ऑक्टोंबर) ला निवडणूक आयोगाकडून याबाबतची सुनावणी होणार आहे. त्याआधी शरद पवार गटाकडून दिल्लीत महत्वाची बैठक घेण्यात आली. या बैठकीनंतर शरद पवार यांनी निर्णय आमच्याच बाजूने लागेल, असा विश्वास व्यक्त केला.

काय म्हणाले शरद पवार?

"माझी अध्यक्षपदाची निवड झाली होती, ती प्रोसेस मी सांगितली होती. आता हे लोक म्हणत आहेत माझी निवड चुकीची आहे. निवडणूक आयोगात अजून काहीच नाही झालं तरी हे लोक चिन्ह, पक्ष आम्हाला मिळेल अस म्हणत आहेत. कशावरुन बोलतात हे समजू शकत नाही.." असे शरद पवार (Sharad Pawar) यावेळी म्हणाले.

निकाल आमच्याच बाजूने..

यावेळी बोलताना शरद पवार यांनी "राष्ट्रवादी पक्षाचे नाव आणि चिन्ह वापरण्याचा अधिकार फक्त आम्हालाच आहे, असे म्हणत निवडणूक आयोगाचा निकाल आमच्याच बाजूने लागेल, असा विश्वासही त्यांनी यावेळी व्यक्त केला. तसेच निर्णय काहीही लागला तरी चिंता करु का.." असेही ते यावेळी म्हणाले.

"केरळ, हैद्राबाद, आंध्र प्रदेश, कर्नाटक इथे भाजप नाही. महाराष्ट्र, मध्य प्रदेशमध्ये सरकार पाडून भाजपने सरकार बनवले आहे. असे म्हणत गुजरात आणि 2-3 छोट्या राज्यात भाजप आहे. म्हणून मी म्हणतो देशाचा मूड बदलला आहे, लोक या बदलत सहभागी होत आहेत.." असे शरद पवार यावेळी म्हणाले.

ईडी, सीबीआयचा गैरवापर...

"ईडी सीबीआय याआधीही होते. पण याचा कधीही गैरवापर झाला नव्हता. आजकाल गावात भांडणे झाली तरी ईडी लावू म्हणतात, असे म्हणतात ज्यांच्यावर भ्रष्टाचाराचे आरोप केले त्यांनाच मंत्री बनवले," अशी टीका शरद पवार यांनी केली. तसेच भाजपने कमळ चिन्ह बदलून वॉशिंग मशिन ठेवावं असा घणाघातही शरद पवार यांनी यावेळी केला. (Latest Marathi News)