ठाकरे बंधूंच्या युतीबाबत ठाकरे गट सकारात्मक असल्याचा दावा राऊतांकडून अनेकदा करण्यात आलाय. त्यातच आता राऊतांच्या एका विधानानं महाविकास आघाडीच खळबळ माजलीय. त्यामुळे राऊतांच्या भूमिकेमुळे महाविकास आघाडीचे भवितव्य काय? असा सवाल निर्माण झालाय. राऊत नेमकं काय म्हणाले पाहूयात.

राज ठाकरे आणि उद्धव ठाकरे यांच्याबाबत केलेल्या विधानामुळे महाविकास आघाडीला तडा जाण्याची शक्यता निर्माण झालीय. ती कशी पाहूयात

ठाकरेंची युती, मविआला खिंडार?

युती झाल्यास मराठी अस्मिता आणि हिंदुत्वाचा मुद्दा महत्वाचा ठरणार

मनसेच्या कट्टर मराठी आणि हिंदुत्ववादी भुमिकेमुळे मविआत मतभेदाची शक्यता

मनसेमुळे काँग्रेस आणि पवारांच्या राष्ट्रवादीची मुस्लीम मतं दुरावण्याची भीती

ठाकरे गटाला काँग्रेस आणि पवारांच्या राष्ट्रवादीसोबत समन्वय साधण्यात अडचणी येणार

पालिका निवडणुकीआधी ठाकरे गट मविआतून बाहेर पडण्याबाबत राऊतांचे संकेत

राज ठाकरेंच्या पक्षाचा समविचारी पक्ष असा उल्लेख करून राऊतांनी महाविकास आघाडीतील सध्याच्या भूमिकेवर अप्रत्यक्ष टोला लगावलाय का? असा सवाल निर्माण झालाय. त्यामुळे ठाकरे बंधूंची युती झाल्यास महाविकास आघाडीचं काय होणार? महाविकास आघाडीतून बाहेर पडून ठाकरे गट पालिका निवडणुक लढवणार का? हे पाहणं महत्त्वाचं ठरणार आहे.