लोकसभा आणि विधानसभा निवडणुकीत एकमेकांविरोधात रणशिंग फुंकलं.. मात्र आता अजित पवारांची राष्ट्रवादी आणि शरद पवारांची राष्ट्रवादी एकत्र येण्यावर शिक्कामोर्तब झालंय..कोल्हापुर जिल्ह्यातील चंदगड नगरपरिषदेत भाजपला रोखण्यासाठी दोन्ही राष्ट्रवादी एकत्र आल्याची घोषणाच मंत्री हसन मुश्रीफांनी केलीय..

खरंतर विधानसभा निवडणुकीत पवारांच्या राष्ट्रवादीची मोठी पिछेहाट झाली.. त्यानंतर अजित पवार आणि शरद पवारांच्या भेटीगाठीही वाढल्या आहेत.. दुसरीकडे याआधीच अजित पवारांनी शरद पवार हेच आपले दैवत असल्याचं वक्तव्य केलं होतं....

खरंतर आता दोन्ही राष्ट्रवादीच्या मनोमिलनाला कारण ठरलंय ते चंदगड नगरपरिषद आणि कोल्हापूर जिल्ह्यातील जिल्हा परिषद निवडणुकांचं.... हसन मुश्रीफांनी राजेश पाटील आणि कुपेकर यांच्या गटाला एकत्र आणत युतीची घोषणा केलीय.. त्यासाठी त्यांनी राजर्षी शाहू आघाडीची स्थापना केलीय.. मात्र हे दोन्ही राष्ट्रवादीचं लोण फक्त कोल्हापूर जिल्ह्यातच नाही तर बीडमध्येही पसरलंय.. बीडच्या आष्टी तालुक्यातही दोन्ही राष्ट्रवादी एकत्र येण्याचे संकेत अजित पवारांच्या राष्ट्रवादीचे नेते राजेंद्र म्हस्केंनी दिलेत.. त्यामुळे विधानसभा निवडणुकीनंतर दोन्ही पवारांचं झालेलं मनोमिलन आता भाजपविरोधात राजकीय पातळीवरही कायम राहणार का? याकडे राज्याचं लक्ष लागलंय..