Uddhav Thackeray News: एकनाथ शिंदेंच्या (EKnath Shinde) बंडाने शिवसेनेत भगदाड पडले असले तरी उद्धव ठाकरेंच्या (Uddhav Thackeray) नेतृत्वाखाली मोठे पक्षप्रवेशही होत आहेत. आज मातोश्रीवर शिर्डीचे माजी खासदार भाऊसाहेब वाकचौरे यांनी उद्धव ठाकरेंच्या शिवसेनेत प्रवेश केला. यावेळी बोलताना उद्धव ठाकरेंनी शिंदे गटावर तोफ डागली.. (Maharashtra Politics)

माजी खासदाराची गृहवापसी...

याबाबत सविस्तर माहिती अशी की, शिवसेनेचे माजी खासदार भाऊसाहेब वाकचौरे पुन्हा स्वगृही परतले. शिवसेना ठाकरे गटाचे प्रमुख उद्धव ठाकरे यांच्या उपस्थितीत मातोश्रीवर हा पक्षप्रवेश सोहळा पार पडला. भाऊसाहेब वाकचौरे यांच्या पक्षप्रवेशाने शिवसेना ठाकरे गटाचा गड आणखी भक्कम झाला आहे. या पक्षप्रवेशावेळी उद्धव ठाकरेंनी शिंदे गटावर निशाणा साधला.

काय म्हणाले उद्धव ठाकरे....?

"वाकचौरेंनी त्यांच्याकडून चूक झाल्याचे सांगत माफी मागितली. मात्र वाकचौरेंनी माफी मागायची गरज नाही. शिवसैनिक चुकीला माफी देतो, पापाला माफी देत नाही. शिवसेनेचा आवाज दिल्लीचे तक्त हालवल्याशिवाय राहणार नाही. राजकारणात श्रद्धा व सबुरी हवी मात्र आता जे दिल्लीत बसलेत त्यांना सबुरी अजिबात नाही..." असा हल्लाबोल ठाकरेंनी केला

तसेच यावेळी पुढे बोलताना "मी आता ज्यावेळी शिर्डीत येईन तेव्हा साईबाबांचे दर्शन तर घेईनच पण सभा ही घेईन असे म्हणत माझं त्या गद्दारांना आव्हान आहे. निवडणुकीला सामोर जा.. असा थेट इशाराही ठाकरेंनी यावेळी दिला. तसेच शिवसेनेत चुकीला माफी आहे, पण पापाला माफी नाही.. " असेही ते यावेळी म्हणाले. (Latest Marathi News)