Happy Independence Day 2023: आज देशाचा 77 वा स्वातंत्र्यदिन साजरा होत आहे. देशभर उत्साहाचं वातावरण आहे. राजधानी दिल्लीत पंतप्रधान नरेंद्र मोदी यांनी तिरंग्याला सलामी देत देशवासियांना संबोधित केले. तसेच राज्याचे मुख्यमंत्री एकनाथ शिंदे यांच्या हस्ते वर्षा या त्यांच्या शासकीय निवासस्थानी ध्वजारोहन पार पडले. यावेळी त्यांनी स्वातंत्र्यदिनाच्या शुभेच्छा देत त्यांच्या कार्यकाळातील विकासकामांचीही माहिती दिली.

काय म्हणाले मुख्यमंत्री एकनाथ शिंदे?

यावेळी बोलताना एकनाथ शिंदे यांनी "राज्यातील जनतेला शुभेच्छा देताना आनंद होत आहे. गरजूंच्या दुःखावर फुंकर घातली पाहिजे. पंतप्रधान यांनी मेरी माटी मेरा देश कार्यक्रम घेऊन आपल्याला जबाबदारीच आठवण करुन दिली. स्वराज्याचं सुराज्यात रुपांतर करण्यासाठी प्रयत्न करण्याची आवश्यकता असल्याची प्रतिक्रिया दिली.

तसेच यावेळी पुढे बोलताना केंद्र सरकारप्रमाणे राज्यातही विकासाच्या दृष्टीने केंद्र आणि राज्याचा समन्वय ठेवण्याचे काम आम्ही करत आहोत. देवेंद्र फडणवीस आणि अजित पवार यांचीही साथ मोठ्या प्रमाणावर मिळते... असेही ते म्हणाले.

काय म्हणाले देवेंद्र फडणवीस...

महाराष्ट्रातील नागरिकांना शुभेच्छा देतो. जोपर्यंत चंद्र आणि सूर्य आहे तोपर्यंत हा तिरंगा सन्माने डौलत राहील. अशी प्रार्थना करतो.. अशा शब्दात उपमुख्यमंत्री देवेंद्र फडणवीस यांनी स्वातंत्र्यदिनाच्या शुभेच्छा दिल्या.  मोदींच्या नेतृत्वात देशाचा आणि शिदेंच्या नेतृत्वात राज्याचाच विकास करणार आहोत.. असेही ते यावेळी म्हणाले. (Latest Marathi News)