Pandharpur News : पंढरपूरमध्ये तरुणाला ट्रॅक्टरला बांधून बेदम मारहाण, ठाकरे गटाच्या जिल्हाप्रमुखाविरोधात गुन्हा दाखल

Pandharpur News : पंढरपूरमध्ये तरुणाला बेदम मारहाण केल्याप्रकारणी ठाकरे गटाचे जिल्हा प्रमुख आणि श्री विठ्ठल रुक्मिणी मंदिर समितीचे सदस्य संभाजी शिंदे यांच्यावर गुन्हा दाखल करण्यात आला आहे. जुन्या रागातून शिंदे यांनी तरुणाला मारहाण केली आहे.

गणेश ताड असं मारहाण झालेल्या युवकाचं नाव आहे. गणेशला ट्रॅक्टरला बांधून कोयत्याने वार करून, जनावरांच्या शेडजवळ मारहाण केल्याचा आरोप आहे.  (Latest Marathi News)

मागील भांडणाचा राग मनात धरून गणेशला ही केल्याची माहिती समोर येत आहे. या मारहाणप्रकरणी ठाकरे गटाचे संभाजी शिंदे यांच्यासह चार जणांवर पंढरपूर ग्रामीण पोलीस स्टेशनमध्ये गुन्हा दाखल करण्यात आला आहे. (Maharashtra News)

गणेश ताड याला संभाजी शिंदे, अर्जुन गवळी, डॉ. विजय गवळी यांनी मारहाण केली. तसेच तेथे असलेल्या लहान ट्रॅक्टरला बांधून मारहाण करत ओढत नेल्याचेही फिर्यादीमध्ये म्हटले आहे.