दिलीप कांबळे, साम टीव्ही मावळ

राज्यात सध्या महायुती सत्तेत आहे. भाजप, शिवसेना, आणि राष्ट्रवादी या तीन घटक पक्ष सरकार सध्या राज्य चालवत आहे. मात्र, मावळात चित्रं वेगळं आहे. भाजप आणि राष्ट्रवादी अजित पवार गटात मावळ विधानसभेच्या जागेवरून कलगीतुरा सुरू असल्याचं चित्र दिसून येतंय. भाजपने मावळ विधानसभेवर दावा केलाय. येणाऱ्या विधानसभा निवडणुकीत भाजप महायुतीमधील इतर कोणत्याही पक्षाचे काम करणार नाही, असा एकमताने निर्णय घेण्यात आलाय. मावळमध्ये भाजपने विजयी संकल्प मेळाव्याचे आयोजन केलं होतं.

मावळ विधानसभा मतदारसंघ

मावळ विधानसभा हा भाजपचा पारंपरिक मतदारसंघ आहे. मात्र, सध्या अजित पवार गटाचे (Ajit Pawar Group) सुनील शेळके हे आमदार आहेत. येणाऱ्या विधानसभा निवडणुकीत भाजपचा एकही कार्यकर्ता सुनील शेळके यांच काम करणार नाही, असं मावळ निवडणूक प्रमुख रवींद्र भेगडे यांच्यासह कार्यकर्ते सांगत आहेत, अशी माहिती मिळत आहे. त्यामुळे येणाऱ्या विधानसभा निवडणुकीत महायुतीमध्ये मावळच्या जागेवरून मोठा राजकिय पेच निर्माण होण्याची शक्यता (Maval Assembly Constituency) आहे.

महायुतीत रस्सीखेच

मावळ विधानसभा एकेकाळी भाजपचा (BJP) बालेकिल्ला होता. मात्र २०१९ साली भाजपने मावळ प्रांत गमावला. अजित पवार गटाचे आमदार सुनील शेळके हे मोठ्या मताधिक्याने निवडून आले होते. अजित पवार गटाने भाजपच्या परंपरागत असलेल्या बालेकिल्ल्याला सुरुंग लावला. मात्र, साडेचार वर्षे आमदार सुनील शेळके यांनी भाजप कार्यकर्त्यांना त्रास दिल्याचा आरोप करण्यात (Maharashtra Poliics) आलाय. तसेच मावळातून भाजपला हद्दपार करण्याचा प्रयत्न सुनील शेळकेंकडून करण्यात आला. त्यासाठी भाजप घड्याळाचे काम करणार नाही, असा सूर भाजप कार्यकर्त्यानी काढला आहे.

अजित पवार गटाच्या उमेदवाराला विरोध

त्यामुळे येणाऱ्या विधानसभा निवडणुकीत मावळची निवडणूक रंगतदार होणार (Vidhan Sabha Election) आहे. भाजप संकल्प मेळाव्यात आमदार सुनील शेळके यांच्या कामाचा पाढा वाचून काढण्यात आलाय. भाजप कार्यकर्त्यांची गळचेपी करणारा आमदार पुन्हा मावळात नकोय, असा एकमतांनी फतवा भाजप तालुका अध्यक्ष दत्तात्रय गुंड यांनी काढला असल्याची माहिती मिळत आहे.