शिंदे गट पुन्हा एकदा ठाकरे गटाला धक्का देण्याच्या तयारीत आहे. अनेक जिल्ह्यातील ठाकरेंचे कार्यकर्ते आणि नेते मशाल सोडत हाती धनुष्यबाण घेत आहेत. अमरावतीमधील उद्धव ठाकरेंचे शिलेदारही ठाकरेंची साथ सोडणार आहेत. आज अमरावतीमध्ये शिवसेना शिंदे गटाचा विभागीय मेळावा होणार आहे. या मेळाव्यात उद्धव ठाकरेंच्या शिवसेनेतील काही पदाधिकारी शिवसेनेमध्ये प्रवेश करणार आहेत. याबाबतची माहिती मंत्री उदय सामंत यांनी दिलीय.

पुढील काही महिन्यांमध्ये राज्यात स्थानिक स्वराज्य संस्थांच्या निवडणुका होण्याची शक्यता आहे. त्यापूर्वी घडामोडींना वेग आलाय. आतापर्यंत शिवसेना ठाकरे गटातील अनेक दिग्गज नेत्यांनी आणि पदाधिकाऱ्यांनी शिवसेना शिंदे गटात प्रवेश केलाय. आता सामंत यांच्या दाव्यानुसार आज मोठा धक्का शिवसेना ठाकरे गटाला बसू शकतो.

आज अमरावतीमध्ये आज शिवसेना शिंदे गटाचा विभागीय मेळावा होतोय. या मेळाव्याला केंद्रीय मंत्री प्रतापराव जाधव, मंत्री संजय राठोड, मंत्री उदय सामंत यांची उपस्थितीत आहेत. बुलढाण्यात उद्धव ठाकरेंच्या शिवसेनेतील काही पदाधिकारी आमच्या शिवसेनेमध्ये प्रवेश करत आहेत. तसेच अमरावतीच्या मेळाव्यातही काही ठाकरेंचे शिलेदार आमच्या पक्षात येणार असल्याची माहिती, उदय सामंत यांनी दिलीय.

एकनाथ शिंदेंची ताकद वाढणार

अमळनेर येथील माजी आमदार शिरीष चौधरी हे शिंदे गटात प्रवेश करणार आहेत. शिरीष चौधरी यांनी अमळनेरमधून विधानसभा मतदारसघांतून अपक्ष निवडून आले होते.भाजपचे माजी नगरसेवक आणि सरपंच अशा एकूण ४००-५०० कार्यकर्त्यांसह माजी आमदार शिरीष चौधरी शिवेसेनेत प्रवेश करणार आहेत.