Maharashtra Politics: राज्याच्या राजकारणात मोठ्या घडामोडी घडत आहेत. त्यातच गेल्या काही दिवसांपासून मुख्यमंत्री बदलाच्या जोरदार चर्चा सुरु आहेत. मुख्यमंत्रीपदाच्या शर्यतीमध्ये विरोधी पक्ष नेते अजित पवार हे आहेत. त्यांचे भावी मुख्यमंत्री म्हणून सासुरवाडी, पुणे, मुंबई आणि नागपुरमध्ये ठिकठिकाणी बॅनर्स झळकले. इतकेच काय तर उपमुख्यमंत्री देवेंद्र फडणवीस यांचे देखील तसे बॅनर्स झळकले होते. मात्र या शर्यतीमध्ये राधाकृष्ण विखे पाटील यांचं नावही आघाडीवर आहे. (Latest Marathi News)

शिंदे गटाचे मंत्री अब्दुल सत्तार (Abdul Sattr) यांना याबाबत विचारले असता त्यांनी हनुमानाचे उदाहरण दिलं आहे. माझी छाती फाडून बघितली तर त्यात राधाकृष्ण विखे पाटील (Radhakrishna Vikhe Patil) दिसतील. कुणाला नाही वाटत आपला मित्र मोठा व्हावा. पण त्यांची अडचण होईल असे मी बोलणार नाही. मला तसे प्रश्नही विचारू नका, असेही ते म्हणाले.

नेमकं काय म्हणाले सत्तार?

शेतकरी मेळाव्याच्या निमित्ताने कृषी मंत्री अब्दुल सत्तार काल संभाजीनगरमध्ये होते.या मेळाव्यानंतर अब्दुल सत्तार यांनी मीडियाशी संवाद साधला. यावेळी त्याणी राधाकृष्ण विखे पाटील यांच्या मुख्यमंत्रीपदाच्या चर्चेवर थेट भाष्य केलं. (Political News)

माझी छाती हनुमानासारखी फाडून दाखवली तर त्यामध्ये राधाकृष्ण विखे पाटीलच दिसतील. विखे पाटील मुख्यमंत्री काय त्यापेक्षा मोठे नेते व्हावेत असे मला वाटते. कुणाला नाही वाटत आपला मित्र मोठा व्हावा. पण त्यांना अडचण होईल असे मी बोलणार नाही अशी प्रतिक्रिया अब्दुल सत्तार यांनी दिलीये. यावेळी व्यासपीठावर राधाकृष्ण विखे पाटील आणि रावसाहेब दानवे यांची देखील उपस्थित होती.