Maharashtra Political Crises: शिवसेना पक्ष (Shivsena) आणि धनुष्यबाणाच्या निर्णयामुळे राजकीय वातावरण ढवळून निघाले आहे. निवडणूक आयोगाने शिंदे गटाच्या बाजूने निकाल दिल्यानंतर ठाकरे गटाला मोठा धक्का बसला आहे. यानंतर ठाकरे गटाची पुढची रणनिती काय असा प्रश्न उपस्थित होत असतानाच ठाकरे गटाने पुढील रणनिती आखली आहे. ठाकरे गटाकडून चिन्ह आणि नाव गेल्यानंतर ठाकरे गटाचे प्रमुख नेते ऍक्टिव्ह होणार आहेत.

याबाबत समोर आलेल्या माहितीनुसार, ठाकरे गटाकडून चिन्ह आणि नाव गेल्यानंतर ठाकरे गटाचे प्रमुख नेते ऍक्टिव्ह होणार आहेत. आज झालेल्या मातोश्रीवर बैठकीत झाली ज्यामध्ये ही रणनिती आखली आहे. ज्यामध्ये ठाकरे गटातील नेते राज्यातील विविध भागात लवकरच दौरा करणार आहेत.

ठाकरे गटातील प्रमुख नेत्यांवर जबाबदारी देऊन लोकांमध्ये जनजागृती नेत्यांकडून करण्यात येणार आहे. लोकांच्या भावना आणि ठाकरे गटाची (Udhav Thackeray) भूमिका तळागाळातील जनतेपर्यंत पोहचावी असा या दौऱ्यांचा उद्देश असणार आहे.

दरम्यान, शिवसना आणि धनुष्यबाण चिन्ह मिळवल्यानंतर शिंदे गट आता आणखी आक्रमक होणार आहे. शिवसेना पक्षाची राज्यभरात असलेल्या कार्यालयांवर शिंदे गट दावा करणार असल्याची माहिती सूत्रांनी दिली आहे.

एवढंच नाही तर शिवसेनेचं गाणं आणि ट्विटर, फेसबूकसह सर्व डिजिटल अकांउंटवर देखील शिंदे गट दावा करणार आहे. शिवसेना पक्षाच्या नावावर राज्यभरात जे काही आहे त्याच्यावर शिंदे गट टप्प्या टप्प्याने दावा सांगणार आहे.