मलकापूर ते देवधाबा ही बस देवधाबा वरून मलकापूरकडे येत असताना समोरुन् भरधाव वेगाने एक टिप्पर येउन् बसला जोरदार धडक दिली. या अपघातात एसटी मधील सात प्रवाशी गंभीर जखमी झाले आहेत. जखमीना तात्काल मलकापूर येथील सामान्य रुग्णाल्यात उपचारार्थ भरती करण्यात आले आहे. हा अपघात राष्ट्रीय महामार्ग क्रमांक सहावर सायंकाळी घडला असून अपघातावेळी या मार्गा वरील काही काळ वाहतूक खोलंबली होती.. पोलिसांनी घटनास्थली जाऊन अपघाताचे वाहन रस्त्यावरून हटविले व वाहतूक पुन्हा सुरळीत सुरु केली.

कोंढवा परिसरात असलेल्या बोपदेव घाटातील कॉलेज तरुणीवर सामूहिक अत्याचार करणाऱ्या तिघाही नराधमांचे चेहरे साम टीव्हीच्या हाती आले आहेत. पुण्यातील कोंढवा परिसरात असलेल्या बोपदेव घाटामध्ये दोन तारखेला मध्यरात्रीच्या सुमारास या तीन नराधमाने तरुणीवर सामूहिक लैंगिक अत्याचार केला होता. ⁠तीन ही नराधमांचे चेहरे उघड झाली आहेत.

जुना पुणे मुंबई महामार्गावरील खंडाळा बोरघाटात भंगार माल घेऊन पुण्यावरून खोपोलीच्या दिशेने जाणाऱ्या मालवाहतूक ट्रकला अपघात. ट्रक चालकाचे गाडीवरील नियंत्रण सुटल्याने मालवाहू ट्रक दिवायडरला धडकला या अपघातात जिवीत हानी नाही. मात्र ट्रक थोडक्यात बचावला दिवायडरच्या काठावरून तो थेट पुणे मुंबई यशवंतराव चव्हाण एक्स्प्रेस वे वर कोसळला असता मात्र हा ट्रक अडकल्याने मोठा अनर्थ टळला, मात्र या ट्रकमधील भंगाराचा माल खाली एक्स्प्रेस वेवर पडला..त्यामुळे या लेनवरील वाहतूक धीमी गतीने सुरू आहे. घटनास्थळी आयआरबी टीम, अपघातग्रस्तांची रेस्कु टीम आणि महामार्ग पोलीस दाखल झाले असून वाहतूक सुरळीत करण्यासाठी शर्तीचे प्रयत्न सुर आहेत.

पुणे शहरासह उपनगरामध्ये पावसाची हजेरी

अचानक आलेल्या पावसाने पुणेकरांची तारांबळ उडालीय.

आगीचे कारण अस्पष्ट आहे. आगीवर नियंत्रण मिळण्यासाठी भिवंडी अग्निशमन दलाची गाडी रवाना झालीय. गोदामात मोठ्या प्रमाणात कागदी पुठ्ठे असल्याची माहिती मिळत आहे.गोदामात दोन सिलेंडर असल्यानं परिसरात भीतीचे वातावरण पसरले आहे.

दोन किलोमीटर पर्यत वाहनांच्या लांबच लांब रांगा लागल्या आहेत. वाहनचालक त्रस्त ,रुग्णवाहिका अडकल्या आहेत. घरी जाणाऱ्या नागरिकांचे हाल होत असल्याने नागरिक संतप्त होत आहेत. कल्याण वाहतूक पोलिसांचा नियोजनहीन कारभार पाहायला मिळत आहे.

मध्यप्रदेशच्या रतलाम वरून मुंबईला येणारा मोठा अफूचा साठा जप्त करण्यात आलाय. तब्बल १० किलो अफू जप्त करण्यात आलाय. महसूल गुप्तवार्ता संचालनालयाची कारवाई करण्यात आलीय. पोलिसांनी मुंबई आणि रतलामवरून चौघांना अटक केलीय. अफूची शेती करणाऱ्याला देखील मध्य प्रदेशच्या मंदसौर येथून अटक करण्यात आलीय.

काँग्रेसचे विद्यमान आमदार ऋतुराज पाटील यांच्यासह भाजपचे माजी आमदार अमल महाडिक आणि त्यांच्या पत्नी शौमिका महाडिक यांचे पोस्टर झळकले आहे. ऋतुराज पाटील यांचे विकासावर पोस्टर्स तर अंमल महाडिक यांचे दक्षिण प्रॉब्लेम या टॅग खाली पोस्टर्स झळकले आहे. कोल्हापूर शहरातील दक्षिण मतदार संघात येणाऱ्या उपनगरांमध्ये पोस्टर्स लावण्यात आलेत.

उपमुख्यमंत्री देवेंद्र फडणवीस जळगाव विमानतळावर दाखल झालेत. जामनेर येथे आयोजित शिवसृष्टी व भीम सृष्टी स्मारकाच्या अनावर कार्यक्रमाला उपस्थित राहणार आहेत.

बोपदेव घाट सामूहिक लैंगिक अत्याचार प्रकरणातील खऱ्या आरोपींचा सीसीटीव्ही फुटेज "साम" च्या हाती आले आहे. सीसीटिव्हीमधून एक आरोपी निष्पन्न झालाय. पीडित तरुणीवर अत्याचार करण्याच्या आधी या नराधमांनी मद्यप्राशन केलं होतं. पुण्यातील येवलेवाडीत असणाऱ्या एका दारूच्या दुकानातून दारू घेतली होती. ३ आरोपींच्या सोबत आणखी २ जणं होते. मात्र त्यांनी दारू पिऊन घर गाठलं. उर्वरित दोघांनी बोपदेव घाट या ठिकाणी जाण्याचे ठरवले. पोलिसांनी परिसरातील जवळपास ३०० पेक्षा अधिक कॅमेरा तपासले आहेत.

दामोदर शिंगडा हे काँग्रेस मधून पाच वेळा खासदार होते. सचिन शिंगडा हे काँग्रेसचे पालघर जिल्हा उपाध्यक्ष आहेत. पालघरमधील विक्रमगड विधानसभेसाठी सचिन शिंगडा हे इच्छुक आहेत. १३ तारखेला मनसेच्या गोरेगाव येथे होणाऱ्या मेळाव्यात सचिन शिंगडा मनसेमध्ये प्रवेश करणार आहेत.

जळगाव जिल्ह्यात सलग तिसऱ्या दिवशी परतीच्या पावसाने जोरदार हजेरी लावली असून अमळनेर तालुक्यासह जिल्ह्यात अनेक भागांमध्ये वादळी वाऱ्यासह मुसळधार पाऊस सुरू आहे. दरम्यान परतीच्या पावसामुळे मका, ज्वारी, बाजरी, कापूस या पिकांचे मोठ्या प्रमाणात नुकसान झाले असून काढणीला आलेल्या पिकांचे नुकसान झाल्याने बळीराजा आर्थिक संकटात सापडला आहे. तर दुसरीकडे आज जळगाव जिल्ह्यात दोन्ही उपमुख्यमंत्र्यांच्या उपस्थितीत अमळनेर व जामनेर येथे विविध विकास कामांचे व योजनेचे कार्यक्रम आयोजित केले असून या कार्यक्रमावरही पाऊसाचे सावट आहे.

पुण्यात झळकले नाना पटोले यांचे फ्लेक्स लावण्यात आले आहे. नाना पटोले यांचा भावी मुख्यमंत्री म्हणून उल्लेख करण्यात आलाय. "महाराष्ट्राला नाना भाऊ च मुख्यमंत्री हवे" असा मजकूर या फ्लेक्स वर लीहण्यात आला आहे. पुण्यात अनेक ठिकाणी नाना पटोले यांच्या समर्थनार्थ पोस्टरबाजी करण्यात आलीय. उद्या होणाऱ्या दसरा मेळाव्याच्या पार्श्वभूमीवर, उद्धव ठाकरे मुख्यमंत्री पदाबाबत काय बोलणार याची चर्चा सुरू असतानाच हे फ्लेक्स लावण्यात आले आहेत.

जालन्याच्या जाफ्राबाद पंचायत समिती कार्यालयासमोर स्वाभिमानी शेतकरी संघटनेच्या बेमुदत मुक्काम आंदोलनाला सुरुवात झालीय. शेतकऱ्यांना सिंचन विहिरी व जनावरांचे गोठे तत्काळ देण्याच्या मागणीसाठी स्वाभिमानीचे पदाधिकारी आंदोलनाला बसलेत. मागील 10 वर्षांपासून एकही सिंचन विहीर शेतकऱ्यांना जाफ्राबाद पंचायत समिती कार्यालय अंतर्गत देण्यात आली नाहीये. तसेच अनेक शेतकऱ्यांनी जनावरांच्या गोठ्यासाठी अर्ज केलेत. मात्र त्या शेतकऱ्यांना देखील गाय गोठे जाफराबाद पंचायत समिती अंतर्गत अद्याप देण्यात आलेले नाहीये. त्यामुळे स्वाभिमानी शेतकरी संघटनेनं जाफराबाद पंचायत समिती कार्यालयासमोर मुक्काम आंदोलनाला सुरुवात केलीय. जो पर्यंत मागण्या पूर्ण होत नाही तो पर्यंत आंदोलन मागे न घेण्यावर स्वाभिमानीचे पदाधिकारी ठाम आहेत.

सोलापूर जिल्ह्यातील बार्शीचे आमदार राजेंद्र राऊत यांच्या प्रयत्नातून भव्यदिव्य शिवसृष्टीचा लोकार्पण सोहळा आज पार पडला.या शिवसृष्टीमध्ये छत्रपती शिवाजी महाराज यांचा आश्वारुद्ध पुतळा आणि छत्रपती शिवाजी महाराज यांच्या जन्मापासून निर्वाणापर्यंतचे शिवशिल्प या शिवसृष्टीमध्ये सकरण्यात आले आहेत.ही शिवसृष्टी सकरण्यासाठी साधारण दीड वर्षांचा कालावधी लागला असून जवळपास दीड कोटींचा निधी ही शिवसृष्टी सकरण्यासाठी वापरण्यात आला आहे.सोलापूर जिल्ह्याचे माजी पालकमंत्री विजयकुमार देशमुख आणि आमदार समाधान अवताडे यांच्या मुख्य उपस्थितीत हा सोहळा पार पडला.यावेळी ढोलताशांच्या गजर आणि छत्रपती शिवाजी महाराजांच्या जयघोषाने सर्व परिसर दानाणून गेल्याच चित्र पाहायला मिळालं.

इंदापुरात राष्ट्रवादीच्या शरदचंद्र पवार गटाच्या नाराज नेत्यांचा परिवर्तन मेळावा

भाजपमधून हर्षवर्धन पाटील यांनी शरद पवार गटात प्रवेश केल्यानंतर सुप्रिया सुळे यांच्याकडून हर्षवर्धन पाटील यांची इंदापुरातून उमेदवारी जाहीर करण्यात आलेले होती..

याला शरद पवार गटातील आप्पासाहेब जगदाळे, प्रवीण माने आणि भरत शहा यांचा विरोध..

पुढील दिशा ठरवण्यासाठी या नेत्यांकडून इंदापुरात परिवर्तन मेळाव्याचं करण्यात आले आयोजन

मेळाव्याला मोठ्या संख्येने कार्यकर्त्यांची गर्दी

पुण्यातील कसब्याचे काँग्रेस आमदार रवींद्र धंगेकर यांचा महसूल मंत्री राधाकृष्ण विखे पाटील यांच्यावर गंभीर आरोप

राधाकृष्ण विखे पाटील यांच्या आशीर्वादाने पुण्यातील दोनशे कोटींची शासकीय जमीन हडपण्याचा प्रयत्न

राधाकृष्ण विखे पाटील यांचे निकटवर्तीय सचिन शिंदे आणि श्वेता आचार्य यांनी सरकारची जमीन हडपण्याचा प्रयत्न केल्याचा धंगेकरांचा आरोप

माढा विधानसभा मतदार संघातून इच्छुक असलेले उमेदवार असलेले अभिजीत पाटील यांनी आज शरद पवार यांची सिल्व्हर ओक येथे भेट घेतली. माढातून विधानसभा निवडणूक लढवण्यासाठी ते इच्छुक आहेत. अभिजित पाटील यांनी लोकसभा निवडणुकीत महायुती सोबत काम केल आणि त्यानंतर त्यांच्या विठ्ठल सहकारी साखर कारखान्याला केंद्र सरकार कडून २८० कोटी रुपयांचं कर्ज देण्यात आल होतं.

नाशिकमध्ये अजित पवार यांच्या उपस्थितीत सिन्नरच्या पांचाळेमध्ये शेतकरी मेळावा

अजित पवार गटाचे सिन्नरचे आमदार माणिकराव कोकाटे यांच्या मतदारसंघात अजित पवार यांच्या हस्ते विविध विकास कामांचे उद्घाटन

विकासकामांच्या उद्घाटनानंतर अजित पवार यांच्या उपस्थितीत पार पडतोय शेतकरी मेळावा

नाशिकमध्ये उपमुख्यमंत्री अजित पवार यांच्या हस्ते देव नदीचा जलपूजन

- अजित पवार गटाचे आमदार माणिकराव कोकाटे यांच्या मतदारसंघात आज अजित पवार यांच्या हस्ते विविध विकास कामांच्या लोकार्पणाचा धडाका

- उपमुख्यमंत्री अजित पवार सिन्नरच्या देवपूर गावात पोहचले, अजित पवार करणार जलपूजन, त्यांनतर शेतकरी मेळावा घेणार

केंद्रीय मंत्री अश्विनी वैष्णव आणि चंद्रकांत पाटील यांची संयुक्त पत्रकार परिषद

नॅशनल इन्स्टिट्यूट ॲड इलेक्ट्रॉनिक आणि महाराष्ट्र सरकारमध्ये एमओयू साईन

रोबोटिक्स क्षेत्रामध्ये संशोधन करण्यास मदत होणार

विधानसभा निवडणूक आधी दोन्ही ठाकरेंचा जनतेशी संवाद

राज ठाकरे साधणार जनतेशी संवाद

शिवसेनेच्या दोन्ही दसरा मेळाव्या आधी राज ठाकरे हे देखील जनतेशी बोलणार.

पॅाडकॅास्ट आणि सोशिअल मिडीयाच्या माध्यमातून राज ठाकरे संवाद साधणार..

उद्या सकाळी राज ठाकरे पॅाडकास्टच्या माध्यमातून जनतेशी संवाद साधणार...

तर संध्याकाळी उद्धव ठाकरे यांचा दसरा मेळावा

श्रमजीवीचे संस्थापक विवेक पंडित चक्क जिल्हाधिकारी कार्यालयाच्या मुख्य प्रवेशद्वारांवरच झोपले

राज्यमंत्री दर्जा असलेल्या विवेक पंडित आंदोलनकर्त्यांसोबत आंदोलनात सामील

मागण्या मान्य होत नाहीत तो पर्यंत आंदोलन सुरूच राहणार असल्याची आंदोलन कर्त्यांची चेतावणी

श्रमजीवी संघटनेचा जिल्हाधिकारी कार्यालयासमोर आठ दिवसापासून सत्याग्रह आंदोलन सुरू

कुख्यात डॉन अबू सालेम याला भेटण्यासाठी आलेल्या दोघांची चौकशी अद्यापही सुरूच

सदर महिलेची आणि परदेशी नागरिकांची गेल्या 18 तासापासून सुरू आहे चौकशी

नाशिक एटीएस पाठोपाठ मुंबई आणि पुणे एटीएस देखील या प्रकरणाचा तपास करणार असल्याची माहिती आहे

सदर महिला ही अबू सालेम याच्याशी परिचित आहे मात्र जो परदेशी व्यक्ती भेटला आहे तो नेमका कोण आहे त्याचा तपास केला जात आहे

आगामी विधानसभा निवडणुकीसाठी काँग्रेसकडून गोपनीय सर्वेक्षण

२८८ विधानसभा मतदारसंघापैकी १३० जागांवर काँग्रेसकडून सर्वेक्षण

राज्यातील ज्या जागांवर विजयाचा विश्वास काँग्रेसला आहे त्या ठिकाणी हे सर्वेक्षण

दिल्ली आणि बेंगलोर मधून आलेल्या कंपनीकडून हे सर्वेक्षण करण्यात येत आहे

सर्वेक्षणाचा अहवाल काँग्रेसच्या केंद्रीय समितीकडे पाठवला जाणार

सर्वेक्षणातून उमेदवारांचे इलेक्टिव्ह मेरिट येणार पुढे

कजा मुंडे यांच्या दसरा मेळाव्याची आता जय्यत तयारी सुरू आहे. बीडच्या पाटोदा तालुक्यातील भगवान भक्ती गडावर हा दसरा मेळावा होणार आहे. 10 वर्षापासून पंकजा मुंडेंच्या नेतृत्वाखाली हा मेळावा होतोय, तर यंदाच्या या दसरा मेळाव्यासाठी पंकजा मुंडे यांचे भाऊ धनंजय मुंडे हे देखील उपस्थिती लावणार आहेत. यामुळे या मेळाव्याच्या तयारीला अधिकच वेग आलाय. भव्य दिव्य मैदानात हा मेळावा होत असून या मैदानाची स्वच्छता आता युद्ध पातळीवर सुरू आहे

आचारसंहितेआधी नवी मुंबई आंतराष्ट्रीय विमानतळावर पहिल्या धावपट्टीवर वायूदलाचं पहिलं विमान लॅन्ड होणार.

लडाऊ विमानाची लॅन्डिंग आणि टेक ऑफची चाचणी होणार.

वायूदलाच्या सुखोई विमानाचं उड्डाण.

मुख्यमंत्री एकनाथ शिंदे व मुख्यमंत्री देवेंद्र फडणवीस राहणार उपस्थित

विधानसभा निवडूनसाठी कोणत्याही क्षणी आचारसंहिता होऊ शकते लागू

याच पार्श्वभूमी व सरकारच्या वतीने एकाच दिवसांत 194 शासन निर्णय काढण्यात आले आहेत

आज नेमके किती शासन निर्णय काढण्यात येणार कडे सर्वांचे लक्ष लागले आहे

२८ किलो गांजा कोल्हापूर पोलिसांनी केला जप्त

राजाराम तलाव परिसरात गांजा विक्रीसाठी आलेल्या दोघांना केली अटक

स्थानिक गुन्हे अन्वेषण शाखेची कारवाई

सणासुदीच्या काळात कोल्हापूर पोलिसांची मोठी कारवाई

धुळ्याचा निहाल शेख आणि साताऱ्यातील चरण शिंदे राजारामपुरी पोलीस ठाण्यात गुन्हा दाखल

२८ किलो गांजा सह ५ लाख ६८ हजार पाचशे रुपयांचा मुद्देमाल जप्त

विधानसभेसाठी महायुतीत अजूनही काही जागांवर तोडगा काढण्याचे काम सुरू

विश्वसनीय सूत्रांनी दिली माहिती

येत्या ४ ते ५ दिवसात दिल्लीत तीन प्रमुख नेत्यांची पुन्हा बैठक

महायुतीत जवळपास ८० टक्के जागावाटप पूर्ण

राष्ट्रवादी काँग्रेस अजित पवारांच्या विद्यमान आमदारांच्या जागा कायम राहण्याची शक्यता

पक्षाला मिळणाऱ्या इतर जागांवर महायुतीत समन्वय साधून उमेदवार दिला जाणार, सूत्रांची माहिती