Maharashtra Lok Sabha Election

उद्धव ठाकरे यांनी आज उरविंद सावंत यांना दक्षिण मुंबईतून लोकसभेची उमेदवारी जाहीर केली. यावेळी त्यांनी एकनाथ शिंदे ग्रुपवर जोरदार हल्ला चढवला. अरविंद सावंत इथून पुन्हा खासदार होणारच. या लोकांनी आपलं सरकार पाडलं. आता उद्या निवडणुका जाहीर होतील तेंव्हा त्यांना विचारा की शिवसेना कुणाची हे आधी सांगा? मी अरविंद सावंत यांचे नाव उमेदवार म्हणून जाहीर करतोय. त्यांना त्यांची जागा दाखवणारच, असा निर्धार उद्धव ठाकरे यांनी यावेळी केला.

विजयाचा भास व्हावा अशा सभा होत आहेत. कोस्टल रोडचं स्वप्नं आपण पाहीलं ते आज पूर्ण झालंय. त्यासाठी आपण अनेक बैठका घेतल्या. आदित्य ठाकरेंनी या मार्गासाठी जो बोगदा खोदणारे मशिन आणलं होतं, त्याला मावळा नाव दिलं त्याच मार्गाने मी आज आलो. आपण पाहिलेलं एक स्वप्नं पूर्ण झालेलं पाहीलं या ठिकाणी बंजारा समाज मोठ्या संख्येने आहे त्यांची मागणी आहे, सेवालाल महाराजांचे मंदिर व्हावं, ते आम्ही निवडुन आलो सत्तेत आलो की पूर्ण करणार, असं आश्वासन उद्धव ठाकरे यांनी दिलं.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काल निवडणूक रोख्यांचं भांडं फुटलं. त्या पक्षाच्या खात्यात ८ ते ९ हजार कोटी कुठून आले आणि कॉंग्रेसच्या खात्यात कीती आहेत ते देखील जाहीर झाले. आता सांगा कोणी कुणाला लुटले ज्या भाजपला ज्या कंपन्यांनी पैसे दिले, त्यांच्यावर धाडी टाकून त्यांच्याकडून किती लूट केलीय हे आता उघड झालंय. त्यांना आता आणखी लूट करण्यासाठी पुन्हा सत्ता हवीय.

त्यांच्या आवास योजना नाही आहेत तर आभास योजना आहेत कुणालाच घरं मिळाले नाहीये. हा फक्त लुटारूपणा आहे. मी गुजराती समाजाच्या विरोधात नाहीये, पण त्यांनी गुजरात विरूद्ध संपूर्ण भारत असं वास्तव उभं केलंय. उद्या आम्ही सत्तेत आलो तर गुजरातला वेगळा न्याय देणार नाही. गुजरात आणि आपण दुधात साखर मिसळावे तसे राहणार आहोत, असंही उद्धव ठाकरे म्हणाले.