पुण्यातील मंगलदास रोडवर पारशी जिमखान्याजवळ भारत पेट्रोलियमचा पेट्रोलने भरलेला टँकर चालकाचे नियंत्रण सुटल्याने रस्त्याच्या कडेला असलेला कठडा तोडून थेट रस्त्याच्या पलीकडे गेल्याची घटना घडली.
टँकरमध्ये मोठ्या प्रमाणात पेट्रोल असल्याने परिसरात भीतीचे वातावरण निर्माण झाले.
घटनेची माहिती मिळताच पोलीस घटनास्थळी दाखल झाले.
पोलिसांनी टँकर चालकाला ताब्यात घेतले असून पुढील तपास सुरू आहे.
पेट्रोलने भरलेला टँकर असल्याने संभाव्य मोठी दुर्घटना टळल्याने नागरिकांनी सुटकेचा निःश्वास सोडला.
नाशिकच्या लासलगाव परिसरात अवकाळी पावसाने जोरदार हजेरी लावली आहे. गेल्या सुमारे एक तासापासून परिसरात मुसळधार पाऊस सुरू असून, अचानक आलेल्या पावसामुळे नागरिकांची चांगलीच तारांबळ उडाली आहे.
एकीकडे दुष्काळसदृश परिस्थितीमुळे नागरिक आणि शेतकरी चिंतेत असताना, दुसरीकडे पावसाच्या या जोरदार हजेरीमुळे परिसरात समाधानाचे वातावरण पाहायला मिळत आहे.
पावसामुळे काहीसा दिलासा मिळाला असला, तरी अवकाळी पावसाचा शेती पिकांवर काय परिणाम होणार, याकडे शेतकऱ्यांचे लक्ष लागले आहे.
पश्चिम रेल्वेच्या विविध रेल्वे स्थानकांवर तरुणाचे धोकादायक स्टंट; लांब उड्या मारतानाचे व्हिडिओ सोशल मीडियावर व्हायरल!
मुंबईतील रशीद पठाण नामक तरुणाचे रेल्वे स्थानकांवरील स्टंटचे व्हिडिओ Instagram वर पोस्ट.
पश्चिम रेल्वेच्या विविध स्थानकांवर लांब उड्या मारतानाचे व्हिडिओ समोर.
Rashid_Pathaan (@rashid_khan_4685) या Instagram अकाउंटवरून व्हिडिओ शेअर.
रेल्वे स्थानकांवर अशा प्रकारचे स्टंट करणे प्रवाशांच्या सुरक्षेच्या दृष्टीने धोकादायक.
या प्रकाराची रेल्वे प्रशासन आणि रेल्वे पोलिसांकडून दखल घेतली जाणार का, याकडे लक्ष.
संबंधित तरुणावर रेल्वे प्रशासनाकडून कारवाई होणार का?
या व्हिडिओप्रकरणी अधिक तपशील प्रतीक्षेत.
धुळे जिल्ह्यात अवैध गांजा लागवडीचे प्रकार सातत्याने समोर येत असताना शिरपूर शहर पोलिसांनी आणखी एका मोठ्या कारवाईत तब्बल 1 कोटी 52 लाख 50 हजार रुपये किमतीची 610 किलो गांजाची झाडे जप्त केली आहेत. या कारवाईमुळे शिरपूर तालुक्यात खळबळ उडाली आहे, आंबाफाटा गावाच्या पुढे डोंगराळ भागातील वनजमिनीवर प्रतिबंधित कॅनाबिस (गांजा) वनस्पतीची बेकायदेशीर लागवड करण्यात आल्याची गोपनीय माहिती पोलिसांना मिळाली होती. त्यानुसार शिरपूर शहर पोलिसांनी वन विभागाच्या अधिकारी व कर्मचाऱ्यांसह घटनास्थळी छापा टाकला. यावेळी गांजाची उभी पिके आढळून आली,
डोंबिवलीनजीकच्या देसाई गावातील रिव्हरहुड पार्क परिसरात काही तरुणांनी हातात शस्त्रे घेऊन धुडगूस घातल्याचा धक्कादायक प्रकार समोर आला आहे. मुख्य रस्त्यावर येणाऱ्या-जाणाऱ्या तरुणांना मारहाण करत दहशत माजवल्याचा व्हिडिओ सोशल मीडियावर व्हायरल झाला आहे.
वाशिमच्या वनोजा येथे समृद्धी महामार्गावर रास्ता रोको आंदोलनासाठी जमलेल्या शिवसैनिक आणि शेतकऱ्यांनी महामार्गावर चढण्याचा प्रयत्न केला. यावेळी पोलिसांनी आमदार नितीन देशमुख यांच्यासह काही पदाधिकारी आणि शिवसैनिकांना ताब्यात घेऊन काटेपूर्णा अभयारण्यातील विश्रामगृहात डिटेन करून ठेवले होते. दरम्यान, सायंकाळी सुमारास त्यांची सुटका करण्यात आली.
सोलापूर जिल्हा बँकेत भाजपने पहिले खाते उघडले आहे. बार्शी विविध कार्यकारी सोसायटीतून भाजप आमदार राजेंद्र राऊत यांची बिनविरोध निवड झाली आहे. बार्शी तालुक्यातील 135 पैकी 131 सोसायटींचा ठराव राजेंद्र राऊत यांच्याकडे आहे.
पुणे पदवीधर मतदारसंघातून राष्ट्रवादी काँग्रेस शरदचंद्र पवार पक्षाच्या उमेदवार हर्षदा जाधव-देशमुख विजयी झाल्यानंतर साताऱ्यात त्यांचे जल्लोषात स्वागत करण्यात आले. साताऱ्यातील राष्ट्रवादी भवन येथे महिला पदाधिकाऱ्यांनी पुष्पवृष्टी करत त्यांच्या विजयाचा आनंद साजरा केला. तत्पूर्वी, त्यांनी पोवई नाका येथील महापुरुषांच्या पुतळ्यांना अभिवादन केले. यावेळी महाविकास आघाडीचे कार्यकर्ते मोठ्या संख्येने उपस्थित होते.
एमआयएम नेते इम्तियाज जलील यांच्या कार्यालयात जीवे मारण्याची धमकी देणारं पत्र आढळलं आहे. हे पत्र इम्तियाज जलील यांनी पोलिसांकडे सुपूर्द केलं असून, त्यातून त्यांना जीवे मारण्याची धमकी देण्यात आली आहे. या घटनेमुळे राजकीय वर्तुळात खळबळ उडाली असून, पोलिसांकडून पुढील तपास अपेक्षित आहे.
शिरूरमध्ये कायदा आणि सुव्यवस्थेचा प्रश्न पुन्हा ऐरणीवर आलाय. शिंदेवाडीतील दोन गट जबाब नोंदवण्यासाठी शिरूर पोलीस ठाण्यात आले होते. मात्र, पोलीस ठाण्याबाहेरच दोन्ही गटांमध्ये वाद पेटला आणि त्याचं रूपांतर तुफान हाणामारीत झालं.
गेल्या अनेक वर्षांपासून रखडलेल्या तुर्भे येथील उड्डाणपुलाचे काम तात्काळ पूर्ण करून सर्वसामान्य जनतेला न्याय मिळवून देण्यासाठी उद्धव बाळासाहेब ठाकरे पक्षाचे नेते, कार्यकर्ते आणि पदाधिकारी आक्रमक झाले आहेत. तर ठाणे बेलापूर महामार्ग शिवसैनिकांनी रोखून धरला आहे उड्डाणपूल झाले पाहिजे याच मागणीसाठी आक्रमक आहे.
मुख्यमंत्री देवेंद्र फडणवीस आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांची एका कार्यक्रमादरम्यान बंद दाराआड भेट झाली. दोन्ही नेत्यांमध्ये जवळपास अर्धा तास चर्चा झाल्याची माहिती असून, तब्बल सहा वर्षांनंतर दोघे एकाच कार्यक्रमात एकत्र आले. या भेटीत नेमकी कोणत्या विषयांवर चर्चा झाली, याबाबत राजकीय वर्तुळात तर्कवितर्कांना सुरुवात झाली आहे.
मोझरी येथील गुरुकुंजमध्ये राष्ट्रसंत श्री तुकडोजी महाराजांचा ५८ वा पुण्यतिथी महोत्सव भक्तिभावात साजरा होत आहे. दुपारी ४ वाजून ५८ मिनिटांनी लाखो गुरुदेव भक्त समाधीस्थळी एकत्र येऊन मौन श्रद्धांजली अर्पण करणार आहेत. या मौन श्रद्धांजलीनंतर सर्वधर्मीय प्रार्थनेचे आयोजन करण्यात येणार असून, संपूर्ण परिसर भक्तिमय वातावरणाने भारावून गेला आहे.
राज्यातील दुष्काळग्रस्त भागांमध्ये चारा टंचाईवर मात करण्यासाठी फडणवीस सरकारने महत्त्वाचा निर्णय घेतला आहे. सुका चारा आणि मुरघास खरेदीचे दर निश्चित करण्यात आले आहेत. दुष्काळ निवारण समितीचे अध्यक्ष चंद्रशेखर बावनकुळे यांनी सुका चारा १२ रुपये, तर मुरघास ८ रुपये प्रति किलो दराने खरेदी करण्यास मान्यता दिली आहे. चारा खरेदी करताना ज्वारी आणि बाजरीला प्राधान्य द्यावे. तसेच वाहतूक खर्चासाठी स्वतंत्र निधी देण्यात येणार असल्याचे निर्देश बावनकुळे यांनी प्रशासनाला दिले आहेत.
टाइगर श्रॉफ गोळीबार प्रकरण
टाइगर श्रॉफ गोळीबार प्रकरणाच्या तपासात महत्त्वाची अपडेट
मुंबई क्राइम ब्रँचने या प्रकरणातील १२व्या आरोपीला हरियाणातील सोनीपत येथून अटक केली
ट्रान्झिट रिमांडवर त्याला मुंबईत आणले जात आहे
या प्रकरणी आता आरोपींची संख्या १२ झाली आहे
कोल्हापुरात ऊस दर निश्चित करण्यासाठी आयोजित बैठकीत मोठा गोंधळ झाल्याची घटना घडली. पालकमंत्री प्रकाश आबिटकर यांच्या उपस्थितीतच शेतकरी संघटनांमध्ये जोरदार गोंधळ झाला. ऊस दराबाबत आपापली भूमिका मांडताना संघटनांच्या प्रतिनिधींमध्ये वाद निर्माण झाला. परिस्थिती नियंत्रणाबाहेर जात असल्याने पोलिसांना हस्तक्षेप करावा लागला. या गोंधळामुळे बैठकीतील चर्चेत काही काळ व्यत्यय निर्माण झाला.
पुण्यात भाजपच्या कोअर कमिटीच्या बैठकीला सुरुवात झाली आहे. भाजपचे राष्ट्रीय सरचिटणीस बी. एल. संतोष यांच्या नेतृत्वाखाली ही बैठक सुरू आहे. या बैठकीला भाजपचे प्रदेशाध्यक्ष रवींद्र चव्हाण, मंत्री चंद्रकांत पाटील आणि भाजपचे ज्येष्ठ नेते प्रकाश जावडेकर उपस्थित आहेत. या बैठकीत पक्षाच्या संघटनात्मक बाबी, आगामी राजकीय रणनीती आणि महत्त्वाच्या विषयांवर चर्चा होण्याची शक्यता आहे.
उत्तराखंडमधील चमोली जिल्ह्यातील विष्णुप्रयाग परिसरात हेलिकॉप्टर अपघात झाल्याची माहिती समोर आली आहे. जोशीमठजवळील चाई गाव परिसरात ही घटना घडल्याचे वृत्त आहे. हेलिकॉप्टर बद्रीनाथहून फाटाकडे परतत होते. हेलिकॉप्टरमध्ये पाच प्रवासी असल्याची प्राथमिक माहिती आहे. मात्र, हेलिकॉप्टर अद्याप सापडलेले नाही. घटनेची माहिती मिळताच वैद्यकीय पथक घटनास्थळी रवाना करण्यात आले असून शोधकार्य सुरू असल्याची माहिती आहे.
राज्यातील गड किल्ले संवर्धनासाठी फडणवीस सरकारचा मोठा निर्णय
गडकिल्ले संवर्धनासाठी डीपीडीसीमधून 3 टक्के निधी देणार
सांस्कृतिक कार्य मंत्री आशिष शेलार यांचा निर्णय
मंदिरे, ऐतिहासिक स्मारके यांच्या संवर्धनासाठी ही मिळणार निधी
पुरातत्व विभागाकडून मिळणार तांत्रिक मान्यता
महायुतीमधील अंतर्गत वाद हा त्यांचा प्रश्न आहे. मात्र, चांगला उमेदवार असेल तर तो निवडून येऊ शकतो. सुज्ञ जनता आजही चांगल्या माणसाला पसंती देते, हे पदवीधर निवडणुकीतून पुन्हा एकदा समोर आले आहे. सर्व मार्गांचा अवलंब केला तरी मतदारांनी चांगल्या उमेदवारांना निवडून दिले, असे जयंत पाटील म्हणाले.
माझ्या मते, बेरोजगारीचे अनेक प्रश्न प्रलंबित आहेत, महागाई वाढली आहे. या सगळ्याचे प्रतिबिंब निवडणुकीत पाहायला मिळाले. हे समाजाच्या सद्यस्थितीचे प्रतिबिंब आहे. पदवीधरांनी मतपेटीत टाकलेल्या चिठ्ठ्या वाचल्या असत्या, तर त्यांच्या मनात काय धगधगत आहे, हे समोर आले असते, असेही त्यांनी सांगितले.
रवींद्र जांगेकर यांनी विधानसभेत काम केले आहे. त्यांना काहीतरी हिंट मिळाली असेल, म्हणून ते बोलले असतील. कोणतीही निवडणूक झाली की त्यावर चिंतन होते आणि ब्लेम गेम सुरू होतो. मात्र, हे पंधरा दिवस सुरू राहील आणि त्यानंतर बंद होईल, असेही जयंत पाटील म्हणाले.
क्रेन ऑपरेटर काम करत असताना ही दुर्घटना घडली असून, यात दोघांचा मृत्यू झाला आहे. बी. जे. शिर्के कंपनीचे हे काम सुरू होते. संबंधित क्रेन का कोसळली, याबाबत कंपनीच्या मेकॅनिकल विभागातील अधिकाऱ्यांकडून माहिती घेण्याचा प्रयत्न सुरू आहे.
मृतांमध्ये विश्वनाथ कटारे (भंडारा) आणि मुकेश निषाद (उत्तर प्रदेश) यांचा समावेश आहे. दोघेही क्रेनवर असल्याची प्राथमिक माहिती आहे. तसेच, दोन मजूर झारखंडचे आहेत. संबंधित कंपनीचे सुपरव्हिजन कर्मचारी यांच्याकडून माहिती घेऊन पुढील कारवाई सुरू आहे. कंपनीचे काम थांबवण्याचा निर्णय कंपनी घेईल. पोलिसांकडून आकस्मिक मृत्यूची नोंद करण्यात येत आहे.
सहकारी साखर कारखान्यांना आर्थिकदृष्ट्या सक्षम करण्यासाठी इथेनॉल निर्मिती आणि सर्क्युलर अर्थव्यवस्थेचा स्वीकार करायला हवा, अशी भूमिका केंद्रीय गृहमंत्री आणि सहकारमंत्री अमित शाह यांनी मांडली. साखर कारखान्यांच्या माध्यमातून इथेनॉल, सीबीजी, रसायने आणि इतर मूल्यवर्धित उत्पादनांसाठी सामायिक प्रक्रिया युनिट्स विकसित करण्यावर भर द्यावा, असेही त्यांनी सांगितले. कोल्हापूर आणि पुणे जिल्ह्यांचा संदर्भ देत शाह यांनी हे वक्तव्य केले.
केवळ साखरेवर अवलंबून न राहता इथेनॉल आणि मूल्यवर्धित उत्पादनांच्या निर्मितीकडे वळल्यास साखर कारखान्यांचे जागतिक स्तरावर व्यावसायिक बळ वाढेल, असा विश्वास शाह यांनी व्यक्त केला. मोठ्या प्रमाणावर गुंतवणूक किंवा स्वतंत्रपणे आधुनिक प्रक्रिया प्रकल्प उभारण्यास असमर्थ असलेल्या सहकारी साखर कारखान्यांना यामुळे दिलासा मिळू शकतो. राष्ट्रीय सहकारी विकास निगमच्या सर्वसाधारण सभेत शाह यांनी हे निर्देश दिल्याची माहिती सूत्रांनी दिली.
सोलापूर जिल्हा मध्यवर्ती सहकारी बँकेच्या निवडणुकीत आज उमेदवारी अर्ज भरण्याचा शेवटचा दिवस आहे. माजी आमदार रणजितसिंह मोहिते पाटील आणि खासदार धैर्यशील मोहिते पाटील उमेदवारी अर्ज दाखल करण्यासाठी सोलापूर जिल्हा उपनिबंधक कार्यालयात दाखल झाले आहेत. यावेळी मोहिते पाटील समर्थकांनी शक्तिप्रदर्शन केले.
सोलापूर जिल्हा बँकेत भाजप विरुद्ध मोहिते पाटील असे चित्र निर्माण होण्याची शक्यता आहे. दरम्यान, जिल्हा बँकेची निवडणूक बिनविरोध व्हावी, यासाठी प्रयत्न करणार असल्याचे रणजितसिंह मोहिते पाटील यांनी म्हटले होते. मात्र, त्यांच्या आवाहनाला भाजपकडून सकारात्मक प्रतिसाद मिळत नसल्याने जिल्हा बँकेची निवडणूक होणार की बिनविरोध होणार, याकडे सर्वांचे लक्ष लागले आहे.
पुणे शिक्षक मतदारसंघातून विजयी झालेले आमदार कौस्तुभ गावडे भाजप नेत्यांच्या बैठकीला उपस्थित राहणार आहेत. कौस्तुभ गावडे हे भाजपचे पुणे विभागातील शिक्षक मतदारसंघाचे आमदार आहेत. पुण्यात भाजपच्या कोअर कमिटीची बैठक आयोजित करण्यात आली आहे.
संजय राऊत यांचं बोधकीर्तन नाही, तर बाळबोध कीर्तन आहे. विजय मल्ल्याची वकिली संजय राऊत का करत आहेत? विजय मल्ल्या आणि संजय राऊत हे एकाच कॅटेगरीतले आहेत का, असा सवाल नवनाथ बन यांनी केला.
पंतप्रधान नरेंद्र मोदी यांची राजकीय भाषणेदेखील श्रवणीय असतात; मात्र ती तुमचं राजकारण मोडून काढणारी असतात, असंही बन म्हणाले.
नाशिकरोडच्या जेलरोड परिसरात हृदयद्रावक घटना घडली. बाथरूममधील पाण्याच्या बादलीत पडल्याने साडेअकरा महिन्यांच्या रिवाचा दुर्दैवी मृत्यू झाला. बुधवारी सायंकाळी घरात खेळत असताना ही दुर्घटना घडली. कुटुंबीयांनी तातडीने रिवाला खासगी रुग्णालयात दाखल केले; मात्र उपचारादरम्यान डॉक्टरांनी तिला मृत घोषित केले.
अवघ्या आठ दिवसांवर रिवाचा पहिला वाढदिवस होता. वाढदिवसाच्या तयारीत असलेल्या ठाकरे कुटुंबावर या घटनेमुळे दुःखाचा डोंगर कोसळला आहे.
मावळ तालुक्यातील टाकवे बुद्रुक, बेलज, राजापुरी आणि टाकळी परिसरातील अनधिकृत स्टोन क्रशरचा प्रश्न आता चांगलाच पेटला आहे. स्टोन क्रशरमधून निर्माण होणारी धूळ, ध्वनीप्रदूषण आणि अवजड वाहनांच्या वाहतुकीमुळे नागरिकांचे आरोग्य, विद्यार्थ्यांची सुरक्षितता आणि पर्यावरण धोक्यात येत असल्याचा आरोप ग्रामस्थांनी केला आहे.
पुण्यातील सारसबाग परिसरात नेहरू स्टेडियमसमोर उभ्या असलेल्या एका कारमध्ये अनोळखी इसमाचा मृतदेह आढळून आला आहे.
गेल्या दोन ते तीन दिवसांपासून ही कार एकाच ठिकाणी उभी होती.
कारमधून दुर्गंधी येऊ लागल्याने हा प्रकार समोर आला.
राज्यातील प्रत्येक जिल्ह्यातील तालुक्यांमध्ये शिवसेनेकडून उघडले जाणार शेतकरी मदत कक्ष
दुष्काळग्रस्त भागात शेतकऱ्यांना येणाऱ्या अडचणीं जाणून त्यावर विहित वेळेत तोडगा काढण्यासाठी शिवसेनेकडून मदत कक्षाची स्थापना केली जाणार
अनेक ठिकाणी दुष्काळग्रस्त जिल्ह्यात कर्जबाजारी झालेल्या शेतकर्यांकड् फायनान्स कंपन्या आणि बॅंकेकडून पैशांसाठी तगादा लावला जात आहे
मसाल्यांमधील भेसळीविरोधात FDA ची राज्यव्यापी धडक कारवाई
१ एप्रिल ते २९ ऑक्टोबरदरम्यान राज्यभरातील १,०५७ आस्थापनांची तपासणी.
तब्बल १९.७० कोटी रुपयांचा ११,९६३ क्विंटल मसाल्यांचा साठा जप्त.
८४ अन्न व्यवसाय परवाने निलंबित, ५५७ सुधारणा नोटिसा जारी.
छत्रपती संभाजीनगरमध्ये सर्वाधिक २७, तर पुणे आणि अमरावतीमध्ये प्रत्येकी १४ परवाने निलंबित.
पुण्यातील सारसबाग जवळ एका वाहनात मिळून आला मृतदेह
बंद वाहनात मृतदेह आढळून आल्याने एकच खळबळ
संबंधित मृतदेह एका तरुणाचा असल्याची माहिती
संबंधित तरुणाबाबत हरवल्याची होती तक्रार
बंद वाहनातून मृतदेह बाहेर काढून त्याची ओळख पटवण्याचे काम सुरू
पुणे-सोलापूर महामार्गावरील इंदापूरनजीक बिजवडी येथे सर्व्हिस रस्त्याचे काम सुरू असताना शेजारील रस्त्याचा भराव अचानक कोसळल्याने भीषण दुर्घटना घडली.
या दुर्घटनेत पाच मजूर अडकल्याची भीती व्यक्त होत आहे.
दरम्यान, एका मजुराला बाहेर काढण्यात नागरिकांना यश आले असून घटनास्थळी बचावकार्य सुरू आहे.
सातपुड्यातील देवगोई घाटात मोसंबीचा ट्रक उलटला...
चालकाचे नियंत्रण सुटल्याने अपघात ट्रकचे मोठे नुकसान...
चुकीचा मार्ग निवडल्याने देवगोई घाटात अपघात...
अपघातात ट्रक मध्ये भरलेल्या मोसंबीचे मोठ्या प्रमाणात नुकसान
माजी महापौर मीनाक्षी शिंदे यांनी काल उपमुख्यमंत्री एकनाथ शिंदे यांच्याकडे महिला जिल्हा संघटक पदाचा राजीनामा दिला.
पक्षाची प्रतिमा मलीन होत असून नेत्यांवरही आरोप होत असल्याचे त्यांनी राजीनामा पत्रात नमूद केले होते.
गेल्या काही दिवसांपासून सुरू असलेल्या आरोप-प्रत्यारोपांवर मीनाक्षी शिंदे लवकरच माध्यमांशी संवाद साधत आपली भूमिका स्पष्ट करणार आहेत.
मिनाक्षी शिंदे राजीनामा प्रकरणावरून शिंदेंच्या शिवसेनेत नाराजी?
ठाकरेंच्या विरोधात काल ठाण्यात टेंभी नाका येथे जमण्याच्या सूचना असताना, शिवसेनेच्या अनेक नगरसेवकांनी मारली दांडी
उपस्थित अनेक नगरसेवक हे कल्याण-डोंबिवली, तर काही मुंबईतील माजी नगरसेवकाचे समावेश
काहींशी संवाद साधण्यासाठी प्रयत्न केला असता, आम्ही एकनाथ शिंदेंसाठी येऊ मीनाक्षी शिंदेंसाठी नाही अशी नगरसेवकांची स्पष्टपणा
मिनाक्षी शिंदे यांच्या गंभीर आरोप होत असताना स्वतःहून तिने राजीनामा आदीच घ्यायला हवा होता
पक्षाची बदनामी झाल्यानंतर राजीनामा देण्याचा काय हरकत आहे असेही मत खासगीत काही नगरसेवकांनी बोलून दाखवले
दिल्ली - इंडिया आघाडीच्या मॉक पार्लमेंटला भाजपही मॉक पार्लमेंटने देणार उत्तर
सकाळी साडेदहा वाजता citizen for डेमोक्रॅसी संस्थेच्या वतीने मॉक पार्लमेंट चे आयोजन
दिल्लीतील NDMC covokeshn कॉनव्होकेशन सेंटर येथे होणार मॉक पार्लमेंट
सिटीजन फॉर डेमोक्रसीच्या मॉक पार्लमेंट साठी दिल्लीतील वेगवेगळ्या चौकात बॅनरबाजी
नाशिक - कुंभमेळ्याच्या ध्वजारोहण सोहळ्याच्या पार्श्वभूमीवर तीन दिवसांच्या धार्मिक विधींना सुरुवात
- धर्मध्वज प्राणप्रतिष्ठापनेसह विविध धार्मिक विधींचे आयोजन
- जगद्गुरू नरेंद्राचार्य महाराज, जगद्गुरू वल्लभाचार्य महाराज यांची उपस्थिती
- विविध साधू-महंतांसह कुंभमेळा मंत्री गिरीश महाजन पूजाविधीत सहभागी
- धर्मध्वज प्राणप्रतिष्ठापना आणि धर्मध्वजाची नगरपरिक्रमा होणार
- उद्या महामहीम राष्ट्रपतींच्या उपस्थितीत होणार कुंभ ध्वजारोहण सोहळा
- मुख्य ध्वजारोहण सोहळ्यापूर्वी धार्मिक विधींना विशेष महत्त्व
औंढा नागनाथ शहरात जुन्या बसस्थानकाच्या परिसरातील व्यापारी संकुलनाला मोठी आग लागली.
सकाळच्या सुमारात शॉर्टसर्किटने ही आग लागल्याची प्राथमिक माहिती.
या आगीमध्ये दहा दुकाने जळून खाक झाली.
लातूर जिल्ह्यात नागरिकांच्या आरोग्याशी खेळ करणाऱ्या बनावट दारू निर्मितीच्या कारखान्याचा राज्य उत्पादन शुल्क विभागाने पर्दाफाश केला.
लातूरच्या औसा तालुक्यातील येल्लोरी शिवारात बनावट मद्यनिर्मिती करणाऱ्या कारखान्यावर राज्य उत्पादन शुल्क विभागाने छापा टाकत मोठी कारवाई केली.
या कारवाईत बनावट दारू तयार करण्यासाठी वापरण्यात येणारे तब्बल अडीच हजार लिटर रसायन, काचेच्या बाटल्या आणि इतर साहित्य असा एकूण सहा लाख रुपयांचा मुद्देमाल जप्त करण्यात आलाय.
- राज्यातील २७ प्रादेशिक परिवहन कार्यालयांतील (RTO) अधिकाऱ्यांना कारणे दाखवा नोटीस.
- जुन्या वाहनांवर उच्च सुरक्षा नोंदणी पाटी (HSRP) बसवण्याच्या कामात दिरंगाई.
- अपेक्षित उद्दिष्टाच्या तुलनेत HSRP बसवण्याच्या कामात अपुरी प्रगती.
- राज्यातील अनेक जिल्ह्यांमध्ये अद्याप HSRP नंबर प्लेट बसवण्याचे काम अपूर्ण.
- कामातील दिरंगाईची परिवहन आयुक्तांकडून गंभीर दखल.
- परिवहन आयुक्तांकडून २७ RTO अधिकाऱ्यांवर नोटीस बजावून कारवाई.
- HSRP बसवण्याच्या कामाला गती देण्यासाठी परिवहन विभाग आक्रमक.
सोलापूर - अक्कलकोट तालुक्यातील दोन गावात शॉर्टसर्किटमुळे ऊस जळून खाक
अक्कलकोट तालुक्यातील बादोले गावात विद्युत डिपीवर स्पार्क झाल्याने 4 एकर ऊस जळून खाक झाला आहे.
तर दुसरीकडे अक्कलकोट तालुक्यातीलच जेऊर गावात शॉर्टसर्किटमुळे 9 एकर ऊस जळून गेला आहे.
सोलापूर जिल्ह्यात अगोदरच दुष्काळाने शेतकरी होरपळून निघाला आहे त्यात हातचं उभं पिक जळाल्याने बळीराजा मेटाकुटिला आला आहे.
ऐन सणासुदीच्या तोंडावर शेतकऱ्यांसमोर हे संकट उभे टाकल्याने चिंतेच वातावरण निर्माण झाल्याचं चित्र दिसून येत आहे.
वाशिम जिल्ह्यातून जाणाऱ्या समृद्धी महामार्गावर ठाकरेसेनेच्या रस्तारोको आंदोलनाच्या पार्श्वभूमीवर तगडा पोलीस बंदोबस्त लावण्यात आला.
एसओपीप्रमाणे बंदोबस्त लावला आहे. यासाठी 5 डीवायएसपी 150 पोलीस अधिकारी, 1500 जवळपास कर्मचारी असा बंदोबस्त तैनात करण्यात आला
आंदोलनाच्या पार्श्वभूमीवर वाशिम जिल्ह्यातील ठाकरे सेनेच्या 400 पदाधिकारी आणि कार्यकर्त्यांना नोटीसा देण्यात आल्या आहेत.
नंदूरबार जिल्ह्यात दुष्काळाची दाहकता वाढली
एल निनोचा प्रभावामुळे जिल्ह्यात 51 टक्के पावसाची तूट
गेल्या 5 वर्षाचा तुलनेत भूजलपातळी दीड दीड मीटरने खालावली
सातपुड्यातील डोंगर भागात असलेल्या तलावांनी गाठला तळ
शेती सोबतच पिण्याचा पाण्याच्या प्रश्न गंभीर
येणाऱ्या काळात सातपुड्याच्या डोंगर रांगांमध्ये भीषण पाणीटंचाईचा सावट
धाराशिव:
उपमुख्यमंत्री एकनाथ शिंदे यांच्या आदेशानंतर शिवसेनेचे नेते मदत घेऊन शेतकऱ्यांच्या बांधावर
सरकारने दिलेली पाच हजार रुपयांची अग्रीम मदत दिवाळीसाठी,आणखी मदत मिळणार
भुम परंडा वाशी मतदारसंघात बाळासाहेब ठाकरे शिवजक्रांती योजनेचा टप्पा क्रमांक २ राबविण्यात येणार
मायक्रो फायनान्सच्या लोकांनी जर सक्तीने वसुली केली तर शिवसैनिक त्याचा बंदोबस्त करतील,मायक्रो फायनान्स कंपन्यांना सावंताचा इशारा
पुणे - दिवाळीत गुरुवारची पाणी कपात रद्द
पुणे महापालिकेने दर गुरुवारी पाणी कपात करण्याचा निर्णय घेतला आहे.
पण दिवाळीच्या काळात गुरुवारी ५ नोव्हेंबर रोजीची कपात रद्द केली आहे.
या दिवशी पुणेकरांना पाणीपुरवठा केला जाणार आहे. महापालिका प्रशासनाने हा निर्णय घेतला आहे.
पंढरपुरात ऊसदर मागणीसाठी शेतकरी संघटना आक्रमक
पंढरपुरातील दोन साखर कारखान्यांचे गाळप बंद पाडले
पंढरपूरच्या विठ्ठल सहकारी साखर कारखान्यावर रात्रभर शेतकर्यांचे भजन आंदोलन
पहिली उचल पाच हजार रुपये जाहीर करण्याच्या मागणीसाठी आंदोलन
करकंबच्या विठ्ठलराव शिंदे आणि गुरसाळे येथील विठ्ठल सहकारी साखर कारखान्यावर शेतकर्यांचा ठिय्या आंदोलन
पालघर जिल्ह्यातील वाढवण बंदरासह प्रस्तावित विनाशकारी प्रकल्पांविरोधात आज विराट जनआक्रोश सभेचे आयोजन करण्यात आले आहे.
वाढवण जवळील वरोर येथे ही जन आक्रोश सभा होणार आहे.
पालघर जिल्हा विनाशकारी प्रकल्प विरोधी संघर्ष समितीच्या माध्यमातून ही सभा आयोजित करण्यात आली आहे.
जिल्ह्यातील विविध प्रकल्पांना विरोध दर्शवण्यासाठी नागरिक एकवटणार आहेत.
आज वाशिम जिल्ह्यातील शेलुबाजार येथे ठाकरेंची शिवसेना समृद्धी महामार्ग बंद करणार आहेत.
दुष्काळग्रस्त शेतकऱ्यांना सरकारने १ लाखांची मदत न दिल्याच्या निषेधार्थ विदर्भातील शेतकऱ्यांना सोबत घेत ठाकरसेनेचे आंदोलन.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.