विधानसभा निवडणूकीतील निसटत्या पराभवानंतर राम शिंदेंनी अवघ्या 6 महिन्यातच रोहित पवारांना मोठा धक्का दिलाय. रोहित पवार समर्थक नगराध्यक्षा उषा राऊत यांच्याविरोधात अविश्वास प्रस्ताव आणत पवारांच्या एकहाती सत्तेला सुरुंग लावलाय. यावेळी नगरसेवकांनी उषा राऊतांवर गंभीर आरोप केलाय.

दुसरीकडे काँग्रेस, भाजप आणि पवारांच्या राष्ट्रवादीच्या नगरसेवकांनी राम शिंदेंसोबत गुप्त बैठक घेतली. तर या बैठकीच्या वृत्ताला राम शिंदेंनी दुजोरा दिलाय. या बैठकीनंतर नगरसेवकांनी थेट उषा राऊत यांच्याविरोधात अविश्वास ठराव दाखल केलाय.तर रोहित पवारांनी राम शिंदेंवर हल्लाबोल केलाय.

डिसेंबर 2022 मध्ये कर्जत नगरपंचायतीची निवडणूक झाली. या निवडणूकीत रोहित पवारांनी राम शिंदेंच्या नेतृत्वाखालील भाजपच्या पॅनलचा धुव्वा उडवला. त्यानंतर राष्ट्रवादीच्या उषा राऊत यांना नगराध्यक्षा बनवण्यात आलं. मात्र 17 सदस्य असलेल्या कर्जत नगरपंचायतीत पक्षीय बलाबल नेमकं कसं होतं? पाहूयात.

कर्जत नगरपंचायतीत कुणाचं वर्चस्व

विधानसभा निवडणुकीतील पराभवानंतर भाजपने राम शिंदेंना विधानपरिषदेच्या सभापतीपदाची संधी दिली. त्यानंतर अवघ्या 4 महिन्यातच राम शिंदेंनी रोहित पवारांच्या गडाला सुरुंग लावण्याची योजना आखत भाजप पक्षनेतृत्वाला रिटर्न गिफ्ट दिल्याची चर्चा रंगलीय. त्यामुळे आता उषा राऊत यांच्याविरोधातील अविश्वास ठराव मंजूर होणार की रोहित पवार राम शिंदेंची खेळी पलटवणार? यावर कर्जत-जामखेडमधील राजकारणाची दिशा ठरणार आहे.