सरकारी नोकरीच्या शोधात असणाऱ्यांसाठी अत्यंत महत्त्वाची बातमी आहे. महाराष्ट्र शासनाने सार्वजनिक आरोग्य विभागात भरती जाहीर केली आहे. सार्वजनिक आरोग्य विभागाने गट अ (मेडिकल ऑफिसर ग्रुप ए ) पदासाठी ही भरती होणार आहे. तब्बल १४४० रिक्त जागांसाठी पदभरती होणार आहे. राज्यातील सार्वजनिक आरोग्य विभागात मेगा भरती निघाली आहे. त्यामुळे तुमच्याकडे सरकारी नोकरी करण्याची ही उत्तम संधी आहे.

सार्वजनिक आरोग्य विभागाने सरळसेवेच्या कोट्यातून ही सर्वात मोठी पदभरती जाहीर केली आहे. सार्वजनिक आरोग्य विभाग वैद्यकीय आरोग्य अधिकारी गट - "अ" ची जाहिरात प्रसिद्ध काल करण्यात आली आहे.

वैद्यकीय क्षेत्रात शिक्षण घेतलेल्या तरुणांसाठी नोकरीची ही उत्तम संधी आहे. याबाबत जाहिरात प्रसिद्ध करण्यात आली आहे. वैद्यकीय ग्रुप ए पदासाठी निवड झाल्यावर उमेदवारांना सातव्या वेतन आयोगानुसार पगार मिळणार आहे. ५६१०० ते १,७७,५०० रुपये वेतनश्रेणीनुसार पगार मिळणार आहे.

आरोग्य विभागातील या नोकरीसाठी अर्ज करणाऱ्या उमेदवाराने M.B.B.S असणे गरजेचे आहे. याचसोबत वैद्यकीय क्षेत्रात पोस्ट ग्रॅज्युएशन केलेले असावे.

यामध्ये महिलांसाठी ४३१ जागा राखीव आहेत. खेळाडूंसाठी ७२ जागा तर अनाथ मुलांसाठी १४ पदे राखीव आहेत.

यामध्ये त्यामध्ये VJ- NT- अ,ब,क,ड जसे की भटक्या जाती-जमाती प्रवर्ग (धनगर- वंजारी) साठी शून्य जागा देण्यात आल्या आहेत. मागील काही बिंदू नामावली मध्ये वारंवार भटक्या जाती -जमाती प्रशासनातली वरिष्ठ अधिकारी या समाजावर अन्याय करत आहे.आरक्षणाप्रमाणे त्या - त्या प्रवर्गासाठी राखीव जागा ठेवणे अपेक्षित आहे. त्या त्या पदभरतीसाठी जागा राखीव न ठेवता भरती केल्यास सरकारला येणाऱ्या काळात मतदानास्वरूपी किंमत मोजावी लागेल, असं सांगितलं आहे.