Maharashtra Golden Data : महाराष्ट्र राज्यातील नागरिकांचा गोल्डन डेटा तयार करण्यात आला आहे. आगामी २ ऑक्टोबर २०२५ रोजी राज्य सरकार गोल्डन डेटा जाहीर करण्याची माहिती समोर आली आहे. सरकारी योजनांतील बोगस लाभार्थी शोधण्यासाठी हा गोल्डन डेटा तयार करण्यात आल्याचे म्हटले जात आहे. या गोल्डन डेटामध्ये सर्व नागरिकांची संपूर्ण, सविस्तर माहिती असणार आहे. यामुळे बोगस लाभार्थी रोखण्यासाठी राज्य सरकारचे हे मोठे पाऊल असल्याचे बोलले जात आहे. या निर्णयामुळे बोगस लाभार्थी पकडले जाणार असून गरजवंताना सरकारचे सहकार्य मिळणार आहे.