महाराष्ट्रातील सरकारी कर्मचाऱ्यांसाठी अत्यंत महत्त्वाचा निर्णय घेतला आहे. सरकारी कर्मचाऱ्यांसाठीच्या नियमात तब्बल २२ वर्षानंतर महत्त्वाचा बदल करण्यात आला आहे. आता सरकारी कर्मचाऱ्यांच्या आणि अधिकाऱ्यांच्या निवासस्थानच्या चटई क्षेत्रफळात पहिल्यांदाच बदल केला आहे. आता निवासस्थानाच्या क्षेत्रफळात वाढ करण्यात आली आहे. यामुळे सरकारी कर्मचाऱ्यांना अजूनच चांगले आणि मोठे घर मिळणार आहे.

सरकारी कर्मचाऱ्यांसाठी नवीन नियम (New Rules for Government Employees)

सरकारी कर्मचाऱ्यांना राहण्यासाठी निवासस्थान दिले जाते. आता ठरलेल्या नियमांमध्ये राहणीमान, गरजा आणि आधुनिक बांधकाम तंत्रज्ञानाचा विचार करुन १०० ते ७०० चौरस फुटांपर्यंत वाढ करण्यात आली आहे.

सार्वजनिक बांधकाम मंत्री शिवेंद्रराजे भोसले यांनी हा मुद्दा गांभीर्याने घेतला. त्यानंतर एक समिती नेमण्यात आली. या समितीनुसार सातव्या वेतन आयोगानुसार नवीन नियम तयार केले. याला मंजुरी मिळाली त्यानंतर निर्णय झाला.

सनदी अधिकाऱ्यांसाठी नियम बदलले

आता वरच्या वेतनगटातील सनदी अधिकाऱ्यांना २५०० चौरस फूट क्षेत्रफळाचे घर मिळणार आहे. याआधीची मर्यादा १८०० चौरस फूट होती. या निर्णयामुळे सनदी कर्मचाऱ्यांना मोठे घर मिळणार आहे.

नवीन नियमात वेगवेगळ्या वेतनगटासाठी क्षेत्रफळ ठरवून देण्यात आले आहे.S-31 गटाला 2400, S-27 ते 30 गटाला 2000, S-19 ते 26 गटाला 1600, S-13 ते 18 गटाला 1000, S-9 ते 12 गटाला 700, एस-5 ते 8 गटाला 600 चौरस फूट घर मिळणार आहे.

नियम कोणाला लागू होणार? (Maharashtra Government Big Decision For Government Employees)

नवीन नियम भविष्यात बांधल्या जाणाऱ्या सरकारी निवासस्थांनासाठी असणार आहे. सध्याच्या घरांमध्ये कोणताही बदल करण्यात आलेला नाही.यामुळे सध्याच्या कर्मचाऱ्यांच्या मनात कोणताही गैरसमज होणार नाही. नवीन कर्मचाऱ्यांना सुविधा मिळणार आहे, असं सरकारने सांगितलं आहे.