आता तलाठी कार्यालयात हेलपाटं मारण्याची झंझट संपणार आहे. कारण आता डिजिटल सातबाऱ्याला कायदेशीर संरक्षण देण्यात आल्यानं तलाठ्याच्या सही आणि स्टॅम्पची गरज आता संपणार आहे. असा निर्णयच महसूल विभागानं घेतलाय. त्यामुळं रखडलेले जमीनीचे व्यवहार एका झटक्यात मार्गी लागणार आहेत. त्याची माहितीच महसूल मंत्री चंद्रशेखर बावनकुळेंनी दिलीय. मात्र हा निर्णय काय आहे? पाहूयात यावरचा हा स्पेशल रिपोर्ट.

खरंतर आधीच डिजिटल 7/12 मिळत होता. मात्र त्याला कायदेशीर संरक्षण नव्हतं.. त्यामुळे डिजिटल 7/12 काढल्यानंतरही तलाठ्याच्या सही आणि शिक्क्यासाठी नागरिकांना हेलपाटे मारावे लागत होते. मात्र आता सरकारच्या निर्णयामुळे शेतकऱ्यांसह 7/12, 8 अ उतारा काढण्यासाठी तलाठ्याच्या दारात हेलपाटे माराव्या लागणाऱ्या नागरिकांना मोठा दिलासा मिळणार, हे मात्र निश्चित.