राज्यात एल निनोचं संकट गडद होत चाललंय. अर्धा जून उलटला तरी पावसाचा पत्ता नाही मोठ्या दुष्काळाच्या उंबरठ्यावर महाराष्ट्र उभाये. या मोठ्या संकटावर तोडगा काढण्यात लोकप्रतिनिधी व्यस्त असतील असं तुम्हाला वाटत असेल तर तुम्ही ही दृष्य पाहा...

गोव्याच्या बीचवर नाचणारे.....स्विमिंग पूलमध्ये ग्रुप डान्स करणारे हे सर्व नांदेडचे नगरसेवक आहेत....हे सर्व नांदेडमधील अजित पवारांच्या राष्ट्रवादीचे नगरसेवक आहेत. मात्र सर्वात महत्त्वाचं म्हणजे विधानपरिषद निवडणुकीतले हे मतदार आहेत. आणि त्यांना खूश ठेवण्यासाठी उमेदवारांनी कोणतीही कसर ठेवलेली नाही. त्यामुळेच सध्या राज्यात सुरू असलेल्या विधन परिषद निवडणुकीच्या हॉटेल पॉलिटिक्सचे हे सर्व लाभार्थी आहेत...मराठवाड्यात अवकाळी पावसामुळे शेतकऱ्यांच्या बागाच्या बागा उद्ध्वस्त झाल्या आहेत.

तर दुसरीकडे पावसानं दडी मारल्यामुळे धरणानीं तळ गाठलाय आणि पिण्याच्या पाण्यासाठी नागरिकांचे प्रचंड हाल होतायत. हंडाभर पाण्यासाठी काही किलोमीटर पर्यंत पायपीट करत महिलांना जावं लागतंय. राज्यात पाणी कपात सुरु झालीये.. पण या सगळ्यांचं या नगरसेवकांना कसंल सोयरंसुतक...? अजितदादांच्या राष्ट्रवादीचे हे नगरसेवक असले तरी या निमित्तानं विरोधकांनी भाजपवर निशाणा साधलाय. तर माजी मुख्यमंत्री आणि भाजपचे खासदार अशोक चव्हाणांनी मात्र या नगरसेवकांच्या मौजमस्तीचं समर्थन केलंय.

याला केवळ नांदेडचेच नगरसेवक अपवाद नाहीत...तर नाशिकमध्येही महायुतीचे सर्व नगरसेवक पर्यटनासाठी गेले आहेत. त्य़ामुळे स्थानिक स्वराज्य संस्थेतल्या विधानपरिषदेच्या निवडणुका म्हणजे लाडके नगरसेवक आणि झेडपी सदस्यांसाठी लॉटरीपेक्षा कमी नसल्याचंच दिसतंय. कुणाची गोव्याच्या बीचवर मजामस्ती...तर कुणाची राज्यातल्या महागड्या हॉटेल्समध्ये बडदास्त....ज्या सामान्य मतदारानं यांना महागडा मतदार केलंय ते मात्र डोळे आभाळाकडे लावून पावसाची प्रतीक्षा करतायत आणि पाण्यासाठी दहादिशा फिरतायत..