मुंबई : आज रविवारची सुट्टी आणि आषाढी एकादशीचा उत्साह संपत नाही तोच, विद्यार्थी आणि पालकांसाठी एक अत्यंत महत्त्वाची बातमी समोर आली होती. उद्या, सोमवारी शाळेची घंटा वाजेल, पण त्यानंतर लगेचच पुढचे दोन दिवस, म्हणजेच मंगळवार (८ जुलै) आणि बुधवार (९ जुलै) रोजी राज्यातील बहुतांश शाळा पुन्हा बंद राहणार आहेत. मात्र, त्यातच आता शिक्षण विभागाने पुन्हा नवीन आदेश काढले आहेत. तो म्हणजे, ८ णि ९ जुलैला राज्यातील कुठल्याही शाळा बंद राहणार नाहीय.

८ व ९ जुलैला सुट्टी कुठल्या सणामुळे किंवा नियोजित नव्हती, तर हजारो शिक्षक आणि शिक्षकेतर कर्मचाऱ्यांनी आपल्या हक्कांसाठी पुकारलेल्या राज्यव्यापी आंदोलनामुळे होती. त्यामुळे पालकांनी याची नोंद घेऊन आपलं नियोजन करावं, असं आवाहन देखील करण्यात आलं होतं. मात्र, शिक्षण विभागाने विद्यार्थ्यांचं हित पाहता राज्यातील शाळा बंद राहणार नसल्याचा निर्णय घेतला आहे. माध्यमिक व उच्च माध्यमिक शिक्षण विभागाचे संचालक महेश पालकर यांनी हे आदेश काढले आहेत.

नेमकं प्रकरण काय?

गेल्या काही वर्षांपासून अनुदानाचा मुद्दा प्रलंबित आहे. गेल्या वर्षी अनुदानित आणि अंशतः अनुदानित शाळांना पुढील वाढीव अनुदानाचा टप्पा मिळावा यासाठी १ ऑगस्ट २०२४ पासून महाराष्ट्रात सलग ७५ दिवस विविध ठिकाणी आंदोलनं करण्यात आली होती. या आंदोलनांची दखल घेत सरकारने त्यावेळी सकारात्मक प्रतिसाद दिला होता. परंतु प्रलंबित अनुदान आणि आश्वासनांची पूर्तता झालेली नाही. त्यामुळे कर्मचाऱ्यांनी पुन्हा एकदा आंदोलनाचे हत्यार उपसलं.

एक वर्षांहून अधिक काळ उलटूनही शिक्क आणि शिक्षकेत्तर आली आहे. याच काकर्मचाऱ्यांच्या या प्रलंबित मागणीकडे सरकारने अद्यापही गांभीर्याने लक्ष दिलेलं नाही. आश्वासने देऊनही त्यांची पूर्तता न झाल्याने आता पुन्हा एकदा आंदोलनाची हाक देण्यात रणामुळे ८ आणि ९ जुलै २०२५ रोजी महाराष्ट्र राज्यातील सर्व शाळा बंद ठेवण्याचा निर्णय घेण्यात आला होता.