हिंगोली : हैदराबाद- अकोला राष्ट्रीय महामार्गावर भीषण अपघात झाला आहे. हिंगोली शहराच्या जवळ असलेल्या वैद्यकीय दंत महाविद्यालयाच्या परिसरात मालाची वाहतूक करणाऱ्या पिकअपला दुसऱ्या पिकअप वाहनाने जोरदार धडक दिली. या अपघातात चालक व वाहक जागीच ठार झाले आहेत.
हिंगोली शहरातून गेलेल्या अकोला हैद्राबाद राष्ट्रीय महामार्गावर सकाळच्या सुमारास हा भीषण अपघात झाला असून या अपघातात गणेश ठाकरे व मोहन ठाकरे अशी अपघातात ठार झालेल्या व्यक्तींची नावे आहे. दरम्यान हे दोघे अमरावती जिल्ह्यातील दर्यापूर येथील असल्याचे पोलिसांनी सांगितले आहे. दोन्ही वाहने मालवाहतूक करत होते. धाराशिव जिल्ह्यातून हे दोघे पिकअ प वाहन घेऊन निघाले होते. मात्र आज सकाळी चार वाजताच्या सुमारास हिंगोली शहराजवळील बासंबा पाटील परिसरात येताच समोरून आलेल्या दुसऱ्या पिकअप वाहनाने धडक दिल्याने भीषण अपघात झाला आहे,
दोन्ही वाहनांचा चुराडा
राष्ट्रीय महामार्गावर घडत असलेल्या अपघाताच्या घटना आज सकाळी देखील हिंगोली शहराच्या जवळ असलेल्या वैद्यकीय दंत महाविद्यालयाच्या परिसरात दोन पिकअप वाहनांमध्ये समोरासमोर धडक झाल्याने दोघांचा जागीच मृत्यू झाला आहे. अपघात इतका भीषण होता की यामध्ये दोन्ही वाहनाचा अक्षरशः चुराडा झाला आहे. वाहनात फसलेल्या दोघांना बाहेर काढणे देखील शक्य नव्हते.
महामार्गावर अपघातांचे ब्लॅक स्पॉट
महामार्गावर अनेक ठिकाणी अपघाताचे ब्लॅक स्पॉट तयार झाले आहेत. राष्ट्रीय महामार्ग हा मृत्यूचा महामार्ग बनला की काय? असा प्रश्न उपस्थित करण्यात येतोय आणि त्याला कारण ठरते. अपघाताच्या घटनेची माहिती मिळताच राष्ट्रीय महामार्ग पोलीस व बासंबा पोलिसांनी इतर वाहन चालकांच्या मदतीने दोघांनाही हिंगोलीच्या शासकीय रुग्णालयात भरती केले. मात्र उपचारापूर्वीच त्यांचा मृत्यू झाल्याची माहिती डॉक्टरांनी दिली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
