अमर घटारे, प्रतिनिधी...

Bacchu Kadu On Sachin Tendulkar: मास्टर ब्लास्टर सचिन तेंडुलकरविरोधात प्रहार संघटनेचे नेते बच्चू कडू यांनी दंड थोपटले आहेत. काही दिवसांपूर्वीच आमदार बच्चू कडू यांनी सचिन तेंडूलकरच्या ऑनलाईन गेमिंग जाहिरातीविरोधात आक्षेप नोंदवला होता. या प्रकरणात आता बच्चू कडूंनी सचिन तेंडूलकरला १५ दिवसांचा अल्टिमेटम दिला आहे.

याबाबत अधिक माहिती अशी की, भारतरत्न सचिन तेंडूलकर (Sachin Tendulkar) करत असलेल्या ऑनलाईन जाहिरातीवरुन बच्चू कडू (Bachchu Kadu) चांगलेच आक्रमक झाले आहेत. सचिन तेंडूलकर करत असलेल्या जाहिरातींबाबत स्पष्टिकरण द्यावे अन्यथा त्यांच्या घरासमोर प्रहार स्टाईलने आंदोलन करण्याचा इशारा बच्चू कडू यांनी दिला आहे.

तसेच बच्चू कडू यांनी सचिन तेंडूलकरला १५ दिवसांचा अल्टिमेटम दिला आहे. सचिन तेंडूलकर हे भारतरत्न आहेत, त्यांनी अशा जाहिराती करु नयेत ही आमची विनंती आहे. अन्यथा त्यांच्या घरासमोर प्रहार स्टाईलने आंदोलन करणार असल्याचे बच्चू कडू म्हणाले.

दरम्यान, याआधी बच्चू कडू यांनी या जाहिरातींबाबत मुख्यमंत्री एकनाथ शिंदेंनाही पत्र लिहले होते. या पत्रामध्ये त्यांनी सचिन तेंडूलकर हे भारतरत्न असून लहानांपासून मोठ्यांपर्यंत त्यांचे असंख्य चाहते आहेत. त्यामुळे त्यांच्या जाहिरातींचा परिणाम तरुणाईवर होत आहे. या जुगाराच्या जाहिरातींना महाराष्ट्रातील जनता बळी पडत असून त्यांची कुटूंबे उध्वस्त होत असल्याचे त्यांनी सांगितले होते. (Latest Marathi News)