कांदिवलीकरांची आकुर्ली रोडवरील वाहतूक कोंडी पासून होणार सुटका

कांदिवली स्टेशन ते आकूर्ली रोड दरम्यान नव्याने भुयारी मार्ग रुंदीकरण करण्यात आले

केंद्रीय मंत्री पीयूष गोयल यांच्या हस्ते कांदिवली आकुर्ली भुयारी मार्ग रुंदीकरण मार्गाचे आज उद्घाटन करण्यात आले

आमदार अतुल भातखळकर यांचा कार्य अहवालाचे मंत्री पियुष गोयल यांच्या हस्ते प्रकाशन सोहळा

बस व ट्रकची समोरासमोर धडक होऊन भीषण अपघात झाला आहे. अपघातात एसटीबस मधील प्रवाश्यांसह बस चालक गंभीर जखमी, त्याचबरोबर ट्रॅकचालक व क्लीनर देखील गंभीर जखमी झाला आहे. जखमींना शासकीय रुग्णालयात उपचारासाठी स्थानिकांच्या मदतीने तात्काळ करण्यात दाखल आले. साक्री तालुक्यातील मैंदाणे गावा जवळ एस टी बस आणि ट्रकमध्ये अपघात झाला.

विधानसभा निवडणुकीच्या पार्श्वभूमीवर राज्यातील सहकारी संस्था निवडणूक प्रक्रिया ३१ डिसेंबर २०२४ पर्यंत पुढे ढकलण्यात आली आहे.

मनसेचं मिशन वरळी

उद्या वरळी मधील नागरिक त्यांच्या विविध प्रश्ना संदर्भात मनसे अध्यक्ष राज ठाकरे यांची शिवतीर्थया निवासस्थानी भेट घेतील.

वरळीमधील काही नागरिकांचा मनसेमध्ये पक्षप्रवेश उद्या होणार आहे.

तसेच उद्या सायंकाळी वरळी मधील मनसेच्या दोन शाखांचे मनसे अध्यक्ष राज ठाकरे यांच्या हस्ते उद्घाटन होईल.

नरहरी झिरवळ यांचे पुत्र गोकुळ झिरवळ शरद पवारांच्या भेटीला पोहोचले आहेत. ते दिंडोरी विधानसभा मतदारसंघातून निवडणूक लढवण्यास इच्छुक असल्याचे बोललं जात आहे.

नगर जिल्ह्यात भाजपला पुन्हा एक धक्का बसण्याची शक्यता

भाजपचे नेते राजेंद्र पिपाडा यांनी शरद पवारांची निसर्ग कार्यालयात घेतली भेट

मात्र शरद पवारांची भेट झाली नाही

राधाकृष्ण विखे यांचे विरोधक राजेंद्र पिपाडा मानले जातात

राजेंद्र पीपाडा शरद पवार गटात जाणार का ? चर्चांना उधाण आलंय.

नवी मुंबई विमानतळावर फायटर प्लेन उतरणार आहे. फायटर प्लेन उतरवून नवी मुंबई विमानतळाची चाचणी होणार आहे. येत्या ११ तारखेला चाचणी होणार आहे. नवी मुंबई विमानतळाला दि बा पाटील यांचं नाव द्यावं, या संदर्भात दिल्लीत आजच बैठक झाल्यानंतर नवी मुंबई विमानतळाच्या धावपट्टीची चाचणी होणार आहे.

जालन्यात काँग्रेसच्या मुलाखतीदरम्यान काँग्रेस आमदार कैलास गोरंट्याल समर्थक आणि काँग्रेस नेते अब्दुल हाफिज समर्थकामध्ये जोरदार राडा झाला आहे. या दोन्ही नेत्यांच्या समर्थकांमधील राड्याचा व्हिडिओ समोर आला आहे.

अकोल्यात दोन गटात राडा झाला आहे. अकोल्यात दोन गटात वाद झाल्यानंतर जाळपोळ आणि दगडफेकीची घटना समोर आली आहे. यामुळे परिसरातील वातावरण तापलं आहे.

पिंपरी चिंचवड शहरातील चिखली मोशी रोडवर तीन गोडाऊनला भीषण आग लागली आहे.

आज दुपारी अचानक चिखली मोशी रोडवरील इलेक्ट्रॉनिक वस्तूच्या साठा असलेल्या गोडाऊनला आग लागली आहे. या आगीत तीन गोडाऊन मधील इलेक्ट्रॉनिक वस्तूंचा माला पूर्णपणे जळून खाक झाला आहे. सुदैवने या आगीत कोणतीही जीवित हानी झाली नसली, तरी मोठ्या प्रमाणात आर्थिक नुकसान झाला आहे. पिंपरी चिंचवड महापालिकेचा अग्निशमन दल घटनास्थळी दाखल झाला असून आग आटोक्यात आणण्यासाठी अग्नीच्या बद्दल युद्धपातळीवर प्रयत्न करत आहे.

गेल्या एक तासापासून मविआची जागा वाटपाची बैठक सुरू

बैठकीत प्रामुख्याने विदर्भ आणि मराठवाड्यातील जागांवर चर्चा सुरू

सलग तीन दिवस होणार आहेत बैठका

बैठकीसाठी विजय वडेट्टीवार, नाना पटोले, संजय राऊत, अनिल देसाई, राजेश टोपे, अनिल देशमुख, जितेंद्र आव्हाड उपस्थित

चंद्रपुरात आदिवासी समाजबांधवानी महाआक्रोश मोर्चा काढत धनगर आरक्षण अनुसूचित जमातीतून देऊ नये, अशी मागणी केली. यात सर्वपक्षीय आदिवासी कार्यकर्ते सहभागी झाले. धनगर समाजाला आदिवासी प्रवर्गात समाविष्ट करू नये, या प्रमुख मागणीसह अन्य १३ मागण्यांकडे शासनाचे लक्ष वेधण्यासाठी हा मोर्चा काढण्यात आला. १५ सप्टेंबर रोजी मुख्यमंत्र्यांनी धनगर समाजाच्या शिष्टमंडळास धनगर व धनगड या दोन जाती एकच असून त्यांना जात व जात पडताळणी प्रमाणपत्र देण्याचे परिपत्रक लवकरच काढण्यात येणार असल्याचे आश्वासन दिले आहे.

अमरावतीच्या दर्यापूरची विधानसभेची जागा ही शिवसेनेची हक्काची जागा आहे, तरी देखील काही लोक इथे अडचणी निर्माण करताहेत..एकदा आम्ही गप्प बसलो आता गप्प बसणार नाही असा थेट इशारा शिवसेना नेते दर्यापूरचे माजी आमदार अभीजीत अडसूळ यांनी महायुतीसह राणा दाम्पत्याला अप्रत्यक्षरीत्या दिलाय...

सोलापुरात उपमुख्यमंत्री देवेंद्र फडणवीस यांचा ताफा अडवत भंडारा उधळण्याचा प्रयत्न

सोलापूर विमानतळहुन देवेंद्र फडणवीस मंगळवेढाकडे निघाले असता धनगर समाजाच्या कार्यकर्त्यांनी ताफा अडवण्याचा केला प्रयत्न

धनगर समाजाला ST मधून आरक्षणाची अंमलबजावणी व्हावी या मागणीसाठी ताफा अडवण्याचा प्रयत्न

धनगर समाजाचे कार्यकर्ते शेखर बंगाळे यांनी मजरेवाडी चौकात ताफा अडवण्याचा प्रयत्न

शेखर बांगळे यांनी या आधी तत्कालीन पालकमंत्री राधाकृष्ण विखे पाटील यांच्यावर भंडारा उधळला होता

दि बा पाटील यांचं नाव नवी मुंबई विमानतळाला देण्यासाठी केंद्रीय उड्डाण मंत्री यांच्या उपस्थित बैठक पार पडली.

या बैठकीला दि बा पाटील संघर्ष समितीचे सदस्य उपस्थित होते.

या संदर्भातील ठराव कॅबिनेटमध्ये ठेवण्यासाठी आम्ही प्रयत्न करू.

पुण्यातील कोंढवा परिसरातील बोपदेव घाटातील सामूहिक बलात्कार प्रकरणात तब्बल 250 संशयतांची पोलिसांनी केली चौकशी.

तीन तारखेला पुण्यातील कोंढवा परिसरात असलेल्या बोगदेव घाटात कॉलेज तरुणीवर तिच्या मित्राचे हातपाय बांधून तिघा नराधमानी केला होता सामूहिक अत्याचार.

या प्रकरणातील तिन्ही आरोपी अध्याप पोलिसांना सापडले नसून या प्रकरणात पोलिसांनी तब्बल 250 संशयताची चौकशी केली आहे.. परराज्यातील असलेली ही तरुणी सध्या रुग्णालयात उपचार घेत आहे

मंत्रालयात उडी मारून आंदोलन करणाऱ्या नरहरी झिरवाळ यांचा त्यांच्या मतदारसंघात सत्कार

नाशिकच्या दिंडोरी पेठ तालुक्यातील झिरवळ यांचा जाहीर सत्कार

मंत्रालयात आंदोलन करून पेसा भरती आणि धनगर आरक्षणाविरोधात आवाज उठवल्याबद्दल सत्कार

जाहीर सत्काराच्या कार्यक्रमाला आदिवासी बांधव उपस्थित

अमित ठाकरे यांच्या उपस्थितीत सोलापूर जिल्ह्याच्या पदाधिकाऱ्यांची बैठक संपन्न

सोलापूर जिल्ह्यातील पदाधिकारी आणि नेत्यांची बैठक पार पडली

अमित ठाकरे यांनी केली पदाधिकाऱ्यांशी सोलापुरातील मतदारसंघाबाबत चर्चा

पुण्यात राज ठाकरे यांच्या उपस्थितीत बैठकीला सुरुवात

पुणे शहर आणि जिल्ह्याचे विभाग अध्यक्ष यांच्या शी राज ठाकरे चर्चा करणार

विधानसभा निवडणुकीच्या पार्श्वभूमीवर महत्त्वाची बैठक

पुणे शहरातील अनेक जणं मनसेचे मुख्य नेत्यांपैकी आहेत

अनिल शिदोरे, बाबू वागास्कर बैठकीला उपस्थित

आज पुणे शहरातील काही जागांवर अंतिम चर्चा होणार

देवेंद्र फडणवीस यांच्या त्याफ्यातील वाहनाला अपघात

नागपूर ग्रामीण पोलिस अधिक्षक यांच्या स्ट्रायकिंग फोर्सची गाडी पलटली

⁠उपमुख्यमंत्री देवेंद्र फडणवीस यांचा ताफा गेल्यानंतर ही पायलट गाडी जात असताना झाला अपघात

अपघातात कोणीही जखमी नाही

अंधेरी पूर्व विधानसभा मतदारसंघावर भाजपकडून दावा केला जात असतानाच आता शिवसेना शिंदे गटात प्रवेश केलेल्या स्वीकृती शर्मा यादेखील या मतदार संघातून निवडणूक लढवणार असल्याचे त्यांचे पती एन्काऊंटर स्पेशालिस्ट प्रदीप शर्मा यांनी एका कार्यक्रमात बोलताना म्हटले आहे. यामुळे महायुतीतील प्रमुख घटक पक्ष असलेल्या शिवसेना शिंदे गट आणि भाजपमध्ये या अंधेरी पूर्व विधानसभेच्या जागेवरून वाद निर्माण होण्याची शक्यता आहे

लोहा-कंधार मतदारसंघ सेवा जनशक्ती पक्षाला सोडला नाही तर आम्ही राज्यात चाळीस जागा लढवू असा इशारा मनोहर धोंडे यानी दिलाय. लोकसभा निवडणुकीत आम्ही शरद पवार यांच्यासोबत चर्चा करून महाविकास आघाडीला पाठींबा दिला होता. त्याचा फायदा देखील महाविकास आघाडीला झालाय. आम्ही महाविकास आघाडीला दहा जागा मागितल्या आहेत.. विशेष करून लोहा-कंधार मतदारसंघ सेवा जनशक्ती पक्षाला सोडण्याचा शब्द त्यावेळी देण्यात आला होता. मात्र महाविकास आघाडीने शब्द पळला नाहीतर आम्ही राज्यातील चाळीस जागा लढवू असा इशारा सेवा जनशक्ती पक्षाचे संथापक संस्थापक अध्यक्ष मनोहर धोंडे यांनी दिलाय.

यवतमाळच्या पुसद वाशिम मार्गावरील घाटात टॉयोटा वाहन झाडावर आदळून भीषण अपघात झाला. या अपघातात दोन भाविकांचा जागीचा मृत्यू झाला. पाच ते सहा जण गंभीर झाल्याची घटना घडली.

छत्रपती संभाजीनगरमध्ये बुद्धलेणीच्या पायथ्याशी असलेल्या विहार आणि विपश्यना केंद्राला ५५ वर्षांपेक्षा अधिक काळ झाला आहे. या वास्तूचे बांधकाम डॉ. बाबासाहेब आंबेडकर मराठवाडा विद्यापीठाच्या जागेवर नाही. तरीसुद्धा ही वास्तू अतिक्रमित असल्याचे सांगत नोटीस दिली होती. त्यानंतर मुख्यमंत्र्यांनी १२ धार्मिक स्थळे नियमित करण्यासाठी निर्देश दिले. परंतु नोटिसीमुळे भावना दुखावल्याने भिक्खू संघ, उपासक व आंबेडकरी समुदायातर्फे एल्गार मोर्चा काढण्यात येणार आहे. आज सकाळपासूनच छत्रपती संभाजी नगर शहरातील क्रांती चौकामध्ये पोलिसांचा मोठा बंदोबस्त तैनात करण्यात आलेला आहे. मराठवाडा आणि महाराष्ट्रातल्या वेगवेगळ्या भागातून मोठ्या संख्येने लोक या मोर्चामध्ये सहभागी होतील अशी शक्यता आहे.

राष्ट्रीय स्वयंसेवक संघाकडून भाजपची नेत्यांचे कानउघडणी

दक्षिण मुंबईतील प्रमुख पदाधिकारी व नेत्यांवर व्यक्त केली नाराजी

हिंदुत्त्ववादी मुद्द्यांना बगल दिल्याने नाराजी

गिरगाव येथे झालेल्या बैठकीत संघाच्या वरिष्ठ नेत्यांनी दिली समज

इतर धर्मीयांचे लांगुलचालन करू नका

हिंदूत्ववादी मुद्द्यांना प्राधान्य देण्याचा सल्ला - सूत्रांची माहिती

मराठवाड्यात कर्जबाजारीपणाला कंटाळून शेतकऱ्यांच्या आत्महत्यांचे सत्र सुरूच आहे. आज हिंगोलीत ३४ वर्षीय शेतकऱ्याने गळफास घेऊन आत्महत्या केली आहे. राजू गाताडे असे या शेतकऱ्याचे नाव असून, ते हिंगोली तालुक्यातील पिंपळखुटा गावातील रहिवाशी होते. राजू यांचे मागील महिनाभरा पूर्वी पुराच्या पाण्याने शेतीचे मोठे नुकसान झाले होते.

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांची अमित शहा यांच्यासोबत बैठक होण्याची शक्यता आहे. राज्यातील निवडणुका , जागावाटप आणि अजित पवार यांची नक्की भूमिका काय असेल यावर महत्वाची चर्चा होणार आहे.

मित्रासोबत फिरायला गेलेल्या नागालँड येथील महाविद्यालयीन तरुणाला बेदम मारहाण करून लुटण्यात आल्याची घटना पुण्यातील बाणेर टेकडी परिसरात शनविरी घडली होती. याप्रकरणी चतुशृंगी पोलिसांनी २ चोरट्यांनी अटक केलीय. अजिंक्य बोबडे, निखिल डोंगरे यांच्यासह २ अल्पवयीन तरुणांना पोलिसांनी बेड्या ठोकल्या आहेत.

Pune News : पुणे आणि भोपाळ मार्गावर इंडिगो कंपनीने नव्याने विमानसेवा सुरू झाली आहे. पर्यटनासह या दोन शहरांमधील महत्त्वाच्या व्यापार व्यवसायाला देखील प्रोत्साहन मिळणार आहे.

२७ ऑक्टोबर दररोज या मार्गावर उड्डाण सुरू होणार असून कनेक्टिव्हिटी वाढणार तसेच पुणे-इंदौर, पुणे-चेन्नई आणि पुणे-रायपूर या मार्गांवर देखील इंडिगो दिवाळीच्या आधीच म्हणजे २७ ऑक्टोबर पासून आपल्या उड्डाणांची संख्या देखील वाढवणार

असे असेल उड्डाणांचे वेळापत्रक…

६ए-२५८ हे पुणे-भोपाळ विमान २७ आॅक्टोबरपासून दररोज दुपारी १ वाजता उड्डाण करेल आणि २ वाजून ३५ मिनिटांनी पोहचेल. ६ए-२५७ हे भोपाळ-पुणे विमान दुपारी ३ वाजून ०५ मिनिटांनी उड्डाण करेल आणि ४ वाजून ५० मिनिटांनी पोहचेल.