Shruti Vilas Kadam
ब्लॅक टीमधील फ्लॅव्होनॉइड्स आणि अँटिऑक्सिडंट्स रक्तवाहिन्यांचे आरोग्य चांगले ठेवण्यास मदत करतात. त्यामुळे कोलेस्टेरॉल नियंत्रणात राहण्यास आणि हृदयविकाराचा धोका कमी होण्यास मदत मिळू शकते.
दररोज मर्यादित प्रमाणात ब्लॅक टी घेतल्याने पचनसंस्था अधिक सक्रिय राहते. अपचन, गॅस आणि पोट फुगण्याच्या समस्यांमध्ये काही प्रमाणात आराम मिळू शकतो.
ब्लॅक टी शरीराचा मेटाबॉलिझम वाढवण्यास मदत करू शकते. संतुलित आहार आणि नियमित व्यायामासोबत याचे सेवन केल्यास वजन कमी करण्याच्या प्रयत्नांना मदत मिळू शकते.
ब्लॅक टीमध्ये कॅफिन आणि एल-थियानिन हे घटक असतात. त्यामुळे एकाग्रता, स्मरणशक्ती आणि मानसिक सतर्कता वाढण्यास मदत होऊ शकते.
अँटिऑक्सिडंट्समुळे शरीरातील पेशींना ऑक्सिडेटिव्ह ताणापासून संरक्षण मिळते. त्यामुळे प्रतिकारशक्ती मजबूत राहण्यास मदत होऊ शकते.
महिनाभर नियमित ब्लॅक टी प्यायल्याने थकवा कमी जाणवू शकतो आणि दिवसभर अधिक उत्साही वाटू शकते. मात्र अतिप्रमाणात सेवन टाळणे आवश्यक आहे.
ब्लॅक टीचे अतिसेवन केल्यास अॅसिडिटी, झोपेचा त्रास, हृदयाचे ठोके वाढणे किंवा शरीरात लोहाचे शोषण कमी होण्याची शक्यता असते. त्यामुळे दिवसातून 2 ते 3 कपांपर्यंतच सेवन करणे योग्य मानले जाते.