महाराष्ट्रात अनेक सरकारी रुग्णालये आहेत जी रुग्णांना मोफत उपचार देतात. शिवाय, ते गर्भवती महिलांसाठी अनेक सुविधा देतात. मात्र महाराष्ट्रातील एक रुग्णालय सध्या चर्चेत आहे. या रुग्णालयात नऊ महिन्यांत ४२ जुळ्या मुलांचा जन्म झाला आहे. हे रुग्णालय महाराष्ट्रातील बीड जिल्ह्यात आहे.

मिळालेल्या माहितीनुसार, बीड जिल्हा रुग्णालयामध्ये जुळी मुलं जन्माला येण्याचे प्रमाण वाढले आहे. मात्र पूर्वी क्वचितच दिसणाऱ्या जुळ्या आणि तिळ्या मुलांचे जन्म दर सर्रास वाढताना दिसत आहे. गेल्या नऊ महिन्यात जिल्हा रुग्णालयात जन्मलेल्या या बालकांच्या संख्येवरून कृत्रिम गर्भधारणा तंत्रज्ञान आणि अनुवंशिकता या प्रमुख वैद्यकीय कारणांमुळे हे प्रमाण वाढत असल्याचे तज्ञांचे मत आहे. ही वाढती आकडेवारी जिल्ह्यासाठी आनंदाची बातमी आहे.

दरम्यान जिल्ह्यात नऊ महिन्यात ४२ जुळ्या बालकांचा जन्म झाला आहे. यातील काहींची प्रसूती सिजर पद्धतीने झाली आहे तर काहींची नॉर्मल प्रसूती पद्धतीने झाले आहेत. मात्र यासाठी जिल्हा रुग्णालय देखील काळजी घेत आहे. त्याचबरोबर जुळे बालक होण हा योगायोग असतो. या संदर्भात विशेष काही वैज्ञानिक कारण नाही. आडवांस एज टेस्ट ट्यूब बेबी या पद्धतीचा वापर करणे आणि यामुळे जुळ्या बालकांचे प्रमाण वाढण्याची शक्यता वर्तवली जात आहे.

जुळी मुलं झाल्यानंतर बालकांचे वजन त्याचबरोबर लहान बाळांच्या डॉक्टरांचा सल्ला घेऊन पुढील उपचार केले जात आहेत. ज्या बालकांचे वजन कमी आहे त्यांची विशेष काळजी घेणे, डॉक्टरांचा सल्ला घेणे, लसीकरण वेळोवेळी करणे हे महत्त्वाचे आहे. दरम्यान ही आकडेवारी मात्र जगभरात चर्चेचा विषय ठरला आहे.