Maharashtra Budget Session: महाराष्ट्र राज्याचे अर्थसंकल्पीय अधिवेशन सध्या सुरू आहे. अनेक मुद्द्यांवरुन अधिवेशन सध्या चांगलेच गाजत असल्याचे दिसत आहे. आजच्या कामकाजात उपसभापती निलम गोऱ्हे यांनी धक्कादायक खुलासा केला आहे. लक्षवेधी लागू नये म्हणून संबंधित लोक विधानभवन परिसरात येत असल्याचा मोठा खुलासा त्यांनी केला आहे. (Maharashtra Politics)

याबाबत अधिक माहिती अशी की, सभागृहात लधवेधी लागल्यानंतर संबंधित व्यक्ती आपल्याला भेटायला येत असल्याचे निलम गोऱ्हे (Neelam Gorhe) यांनी निदर्शनास आणून दिले. सभागृहात लक्षवेधी लागली की संबंधित विषयाशी निगडित व्यक्ती आमदांमार्फत अधिवेशन सुरु असताना विधान भवन परिसरात येतात. आणि आमदारांसोबत माझी भेट घेण्याचा प्रयत्न करतात. हे असं होणं योग्य नाही. इथपुढे अशाप्रकारे कुणीही आलेलं चालणार नाही, अशी सुचना निलम गोऱ्हे यांनी यावेळी केली.

तसेच एकंदरितच लक्षवेधी लागू नये यासाठी गळ घातली जात असल्याचे प्रकार समोर येत आहेत. हे चालणार नाही याच उदाहरण म्हणजे नुकतच खासगी सावकार प्रकरणात एक आमदार ज्या सावकाराविरोधात लक्षवेधी लागली होती. त्यांना घेऊन माझ्या दालनात आले होते. आणि धक्कादायक बाब म्हणजे त्याच्यासोबत संबंधित प्रकरणाचा अधिकारी देखील उपस्थित होता, असा खुलासाही त्यांनी यावेळी केला. (Latest Marathi News Update)