मुंबई : राज्यातील पहिली ते चौथीचे वर्ग सुरू करण्याबाबत शालेय शिक्षण मंत्री वर्षा गायकवाड यांनी सर्व जिल्ह्यांच्या मुख्य कार्यकारी अधिकाऱ्यांबरोबर चर्चा केली असून पहिली ते चौथीचे वर्ग सुरू करण्याबाबत गायकवाड लवकरच मंत्रीमंडळ आणि टास्क फोर्सबरोबर चर्चा करणार आहेत.

हे देखील पहा :

आज वर्षा गायकवाड यांनी राज्यातील सुरू असलेल्या शाळांबाबतचा आढावा घेतला. राज्यात शाळा सुरू होऊन तीन आठवडे झाले आहेत. या तीन आठवड्याचा अनुभव लक्षात घेता राज्यात पहिली ते चौथीचे वर्ग सुरू करावेत अशी भूमिका राज्यातील बहुतांश जिल्ह्यांच्या मुख्य कार्यकारी अधिकाऱ्यांनी मांडली.

सध्या राज्यातील ग्रामीण भागात पाचवी ते बारावी आणि शहरी भागात आठवी ते बारावीचे वर्ग सुरू आहेत. आता सरसकट पहिलीपासून शाळा सुरू करण्याबाबत हालचाली सुरु झाल्या आहेत. शिक्षणमंत्री वर्षा गायकवाड पहिली ते चौथीचे वर्ग सुरू करण्याबाबतचा अधिकृत प्रस्ताव मंत्रीमंडळासमोर मांडून टास्क फोर्सशी चर्चा करणार आहेत. त्यानंतर राज्यातील पहिली ते चौथीचे वर्ग सुरू करण्याचा निर्णय घेण्यात येणार आहे.

Edited By : Krushnarav sathe