- हर्षदा सोनोने

Akola News : अकोला जिल्ह्यातल्या मुर्तिजापूर शहरातल्या पठाणपुरा परिसरातील एका गाईला लम्पिस्किन विषाणूची लागण झाल्याचे आढळून आले आहे. जिल्ह्यात पुन्हा एकदा लंपी त्वचा रोगाने डोकं वर काढल्याच चित्र पाहायला मिळते. (Maharashtra News)

मूर्तिजापूर येथील गाईचा पॉझिटिव्ह अहवाल प्राप्त झाल्यानुसार संसर्ग केंद्रापासून 10 किलाेमीटर क्षेत्र बाधित घोषित करण्यात आल आहे. प्राण्यांमधील संक्रमण व सांसर्गिक रोग प्रतिबंधक व नियंत्रण अधिनियमानुसार मुर्तिजापूर येथील पठाणपुरा परिसरातील संसर्ग केंद्रापासून 10 किलाेमीटर बाधित क्षेत्र घोषित करण्यात आले आहे.

बाधित क्षेत्रातील जनावरांचे शेड निर्जंतुकीकरण करून परिसरात जनावरांची खरेदी व विक्री, वाहतूक, बाजार, जत्रा व प्रदर्शन आयोजित करण्यावर बंदी घालण्यात आली आहे. त्याचप्रमाणे पाच किलाेमीटर परिसरातील जनावरांना गोट पॉक्स लसीकरण करण्यात येणार आहे अशी माहिती जगदीश बकतूरे (उपायुक्त, जिल्हा पशुसंवर्धन विभाग) यांनी दिली.

Edited By : Siddharth Latkar