पावसाळी पिकनिकसाठी मुंबई-पुण्यातील पर्यटकांची पहिली पसंती असलेला लोणावळ्यातील भुशी डॅम नेहमीच गर्दीने फुललेला असतो. पावसाळ्यात धबधब्याचा आनंद घेण्यासाठी येथे मोठ्या संख्येने पर्यटक भेट देतात. मात्र, याच ठिकाणी एक किळसवाणा प्रकार घडला आहे. तरूणानं नको ते कृत्य केलं आहे. याचा व्हिडिओ सोशल मीडियात व्हायरल होत आहे.

निसर्गाच्या सानिध्यात राहण्यासाठी पर्यटक भुशी डॅमला भेट देतात. पण याच भुशी डॅमजवळ एका तरूणाकडून किळसवाणा प्रकार घडला आहे. भुशी डॅमजवळील प्रवाहात पर्यटक आनंद घेत असतानाच एक पर्यटक लघवी करत असताना कॅमेऱ्यात कैद झाला आहे. त्या तरूणाचा व्हिडिओ सध्या सोशल मीडियावर व्हायरल होत आहे.

किळसवाणा प्रकार सुरू असतानाच एक व्यक्ती त्या तरूणाच्या जवळ उभा होता. यादरम्यान, त्यानं हा सर्व प्रकार कॅमेऱ्यात कैद केला. हा व्हिडिओ सोशल मीडियात व्हायरल झाल्यानंतर नेटकऱ्यांनी संताप व्यक्त केला आहे. मुख्य म्हणजे पर्यटकाच्या या कृत्याने सार्वजनिक ठिकाणी स्वच्छतेबाबत गंभीर प्रश्न निर्माण झाला आहे.

नेटकऱ्यांनी तरूणाच्या व्हायरल व्हिडिओवर संताप व्यक्त केला आहे. एकानं, 'निसर्ग तुमचा शौचालय नाही', अशी कमेंट केली आहे. तर, आणखी एकानं 'हे तुमच्या खासगी शाळेचं मैदान नाही. जागेचा आदर करायला शिका', अशी कमेंट केली आहे. सध्या तरूणाचा हा व्हिडिओ व्हायरल होत आहे.