सांगली : सांगली जिल्ह्यातील शिराळा (shirala) तालुक्यातील तडवळे (tadvale) येथे ऊसतोड मजुराच्या गणेश श्रीराम कांबिलकर (वय ५ ) या मुलावर बिबट्याने (leopard attacked five year child in tadvale near sangli) हल्ला करून जख्मी केले आहे. मंगळवारी (ता.१) सायंकाळी साडेसहाच्या सुमारास ही घडली. (sangli latest marathi news)

शिवाजी तुकाराम पाटील हे (sangli) तडवळे येथे त्यांच्या शेतात दिवसभर ऊसतोड केलेला ऊस (sugarcane) ट्रॅक्टरमध्ये भरण्याचे काम सर्व ऊसतोड मजूर करत होते. यावेळी गणेश हा ट्रॅक्टरच्या पुढील बाजूस बसलेला होता. त्यावेळी गणेश याच्यावर बिबट्याने (leopard) अचानक झडप घातली. तसेच त्यास घेऊन जाण्याचा प्रयत्न केला.

गणेशला घेऊन जात असताना दुर्गा दुरंदरे या ऊसतोड कर्मचारी महिलेने ते पाहिले. दुरंदरे यांनी आरडाओरडा केल्याने दरडीवरून जात असताना बिबट्याने गणेशला सोडून देत पळ काढला. गणेशला जखमी अवस्थेत शिराळा उपजिल्हा रुग्णालयात (hospital) दाखल करण्यात आले. त्याच्यावर प्राथमिक उपचार झाल्यानंतर त्यास सांगली येथे पुढील उपचारासाठी पाठविण्यात आले.