Latur Crime News : एका तरुणाची (youth) डोक्यात गोळी झाडून हत्या केल्याची घटना लातूर (latur) तालुक्यातील भातखेडा येथे समोर आली. दरम्यान या हत्येचा लातूर ग्रामीण पोलिसांनी (police) उलगडा केला. कुटुंबीयांना सतत छळणाऱ्या सूरजवर सख्ख्या भावानेच गोळी झाडल्याचे तपासात निष्पन्न झाले. पोलिसांनी त्यास अटक (arrest) करुन न्यायालयात (latur court) हजर केले असता त्याला न्यायालयाने पाच दिवसांची पोलिस कोठडी (police custody) सुनावली आहे.

दारूच्या आहारी गेलेला मोठा भाऊ आणि घरात आजारी वडील, आई, अपंग बहिणीला मानसिक-शारीरिक त्रास देत असल्याने वैतागलेल्या लहान भावानेच मोठा भाऊ सूरज याच्या डोक्यात गोळी झाडून त्याची हत्या केली. याप्रकरणी मयत तरुणाच्या लहान भाऊ धीरजला पोलिसांनी अटक केली.

पाेलिसांनी दिलेल्या माहितीनूसार गोविंद रामकृष्ण मुळे यांचा मुलगा सूरज हा मजुरी करत असे. शिवाय, तो दारूच्या आहारी गेला होता. सतत दारू पिऊन घरातील बहीण, आई, भावाला छळत होता. या छळाला कंटाळून लहान भाऊ धीरज याने आई आणि बहिणीला सोबत घेऊन पुण्याला रोजगारासाठी गेला. (Maharashtra News)

परिणामी, भातखेडा येथे गोविंद मुळे आणि मुलगा सूरज हे दोघेच राहत होते. दरम्यान धीरज याने सूरजला मारण्यासाठी पुण्यातून (pune) पिस्तूल कोठून खरेदी केली याचा शोध पोलिस घेत आहेत. या घटनेमुळे मुळे कुटुंबियांना माेठा धक्का बसला आहे.

Edited By : Siddharth Latkar