जालना : जालना शहरामधील एका 25 वर्षाच्या फळविक्री करणाऱ्या तरुणाची निर्घृण हत्या करण्यात आली आहे. शिवाय हत्येनंतर आरोपींनी फळविक्रेत्याचा मृतदेह रस्त्याच्या बाजूला फेकून दिल्याने परिसरात खळबळ उडाली आहे. हा घटना आज सकाळी उघडकीस आली असून भरत मुजमुले असं हत्या झालेल्या तरुणाचं नाव आहे. शहरातील डबलजीन भागात ही घटना घडली असून या घटनेमुळे शहरात एकच खळबळ उडाली आहे. मारेकऱ्यांनी आज भल्या पहाटे ही हत्या केली असावी, असा अंदाज व्यक्त करण्यात येत आहे.

दरम्यान, फळविक्री करणाऱ्या तरुणाची अज्ञाताने हत्या करून त्याचा मृतदेह रस्त्याच्या बाजूला फेकून दिल्याची माहिती मिळाल्यानंतर कदीम जालना (Jalna) पोलिसांनी घटनास्थळी धाव घेतली असून या हत्येमागील कारण अजून अस्पष्ट आहे. पोलिसांनी घटनेचा पंचनामा केला असून गुन्हा दाखल करण्याची प्रक्रिया सुरू आहे. या हत्येप्रकरणी पोलीस अधिकचा तपास करत आहेत.

Edited By - Jagdish Patil