राजेश भोस्तेकर -

रायगड : पेण तालुक्यातील (Pen Taluka) वाशी परिसरात धमकी देत 17 वर्षीय अल्पवयीन युवतीवर सामूहिक बलात्काराची अमानुष घटना घडल्याने खळबळ उडाली आहे. याप्रकरणी 7 ते 8 जणांना वडखळ पोलिसांनी ताब्यात घेतले आहे. याप्रकरणातील आणखी अंदाजे 10 ते 12 जण फरार असल्याची माहिती मिळाली आहे. सदर नराधमांनी या युवतीला धमकी देत दररोज आळीपाळीने बलात्कार करत असल्याचे उघड झाले आहे. याप्रकरणी वडखळ पोलीस ठाण्यात रात्री उशिरा गुन्हा दाखल करण्यात आला आहे.

पेण तालुक्यातील वाशी (Vashi) परिसरात एका हळदीसमारंभात पीडित तरुणीची ओळख दोन तरुणांसोबत झाली होती. या ओळखीचे रुपांतर काहीच दिवसात प्रेमात झाले. त्यातून त्या तरुणांनी तिचा गैरफायदा घेत तिच्यावर शारिरिक अत्याचार केले. त्यानंतर त्यांच्या मित्रांना याबाबतची माहिती मिळताच त्यांनीही धमकावत त्या तरुणीवर बलात्कार केला.

दरम्यान या प्रकरणात सुमारे 20 हून अधिक जण सहभागी असल्याची माहिती मिळाली आहे. वडखळ पोलिस ठाण्यात याबाबतगुन्हा दाखल करण्यात आला असून 7 ते 8 जणांना पोलिसांनी चौकशीसाठी ताब्यात घेतले आहे. तर आणखी 10 ते 12 जण फरार असल्याची माहिती मिळाली आहे. याप्रकरणाचा तपास अलिबाग पोलिस (Alibag Police) उपविभागीय अधिकारी सोनाली कदम यांच्या मार्गदर्शनाखाली सुरु आहे.

Edited By - Jagdish Patil