Nagpur Accident-prone Areas: नागपूर जिल्ह्यात 66 जीवघेणे 'ब्लॅक स्पॉट', 3 वर्षात 1,749 नागरिकांचा मृत्यू

नागपूर : नागपूर जिल्ह्यातील 'ब्लॅक स्पॉट' अर्थात अपघातप्रवण क्षेत्र जीवघेणे ठरताहेत. जिल्ह्यात एकूण 66 ब्लॅक स्पॉट आहेत. या ब्लॅक स्पॉटमुळे जिल्ह्यातील 1 हजार 749 व्यक्तींना गेल्या तीन वर्षात जीव गमवावा लागलाय (Nagpur District Has 66 Accident-prone Areas 1749 Deaths In 3 Years).

एकाच ठिकाणी 10 आणि त्यापेक्षा अधिक अपघात (Accident) झाल्यास तसेच या अपघातात पाच आणि त्यापेक्षा जास्त मृत्यू (Death) झाल्यास त्या जागेला 'ब्लॅक स्पॉट' (Black Spot) म्हणजेच अपघात प्रवण क्षेत्र (Accident-prone Areas) म्हणतात. वाढते शहर, वाढती वाहने, त्या तुलनेत अरुंद होत असलेले रस्ते, रस्त्यांवरील उड्डाण पुलाचे चुकीचे बांधकाम यामुळे जिल्ह्यात ब्लॅक स्पॉट वाढले आहेत.

शहरात 24 तर ग्रामीण (Nagpur Rural) मध्ये 42 असे जिल्ह्यात एकूण 66 ब्लॅक स्पॉट आहेत. या ब्लॅक स्पॉटमुळे गेल्या तीन वर्षात 1 हजार 746 नागरिकांचा मृत्यू झालाय.

देशाचे रस्ते वाहतूक मंत्री नितीन गडकरी हे नागपूरचे (Nagpur) आहेत. देशात रस्त्यांचं मोठं जाळं त्यांनी विणलंय. मात्र, त्यांच्याच जिल्ह्यात ब्लॅक स्पॉट आणि त्यातून नागरिकांचे गेलेले जीव ही शोभणीय बाब नाही. त्यामुळे हे ब्लॅक स्पॉट दुरुस्त करुन नागरिकांचे जीव कसे वाचतील, या अनुषंगाने प्रयत्न करण्याची गरज आहे.

Edited By - Nupur Uppal