लाडकी बहीण योजना ही नेहमीच चर्चेत असते. लाडकी बहीण योजनेच्या नावाखाली फसवणुकीच्या अनेक घटना समोर आल्या आहेत. अनेकांनी बनावट खाती उघडली आहेत. त्यातून ते लाडकी बहीण योजनेचा लाभ घेतात. महिलांच्या नावाचा वापर करुनदेखील अनेकांनी बनावट खाती उघडली आहे. यामधून राज्य सरकारची तब्बल १९ लाख ४३ हजार रुपयांची फसवणूक झाली असल्याचे समोर आले आहे. याबाबत स्वतः देवेंद्र फडणवीसांनी माहिती दिली आहे.

देवेंद्र फडणवीस काय म्हणाले? (Devendra Fadnavis On Ladki Bahin Yojana)

लाडकी बहीण योजनेच्या नावाखाली अनेकांची फसवणूक झाली आहे, असं मुख्यमंत्री देवेंद्र फडणवीस यांनी लेखी उत्तरात मान्य केले आहेत. या योजनेअंतर्गत तब्बल १०४ बनावट खाती उघडण्यात आली होती. यामुळे सुमारे १९ लाख ४३ हजार रुपयांचा सरकारी निधी बनावट खात्यात जमा केला गेला. यामुळे सरकारची लाखो रुपयांची फसवणूक झाली आहे.

बनावट बँक खाती उघडून त्यात लाभ घेण्यात आलीा आहे. दरम्यान, आता ही खाती गोठवण्यात आली आहे. याप्रकरणी दोन गुन्हे दाखल करण्यात आल्याचेही सांगितल आहे.

आमदार देवयानी फरांदे, सुनील प्रभू, अभिमन्यू पवार यांच्यासह अनेकांची याबाबत प्रश्न उपस्थित केले होते. याबाबत मुख्यमंत्री देवेंद्र फडणवीसांनी लेखी उत्तर दिले आहे.

लाडकी बहीण योजनेच्या नावाखाली बनावट बँक खाती तयार करुन फसवणूक झाली आहे. याप्रकरणी मुंबईत दोन गुन्हे दाखल केले आहे. याशिवाय सातारा, सोलापूर, नांदेडमध्ये एकेक गुन्हा दाखल झाला आहे. जुहू पोलिस ठाण्याच्या पोलिसांनी केलेल्या तपासात १०४ बनावट बँक खाती उघडल्याचे समोर आली आहे. या गुन्ह्यातील बँक खाती आणि खातेधारक खरे आहेत. बँक खातेधारकांना प्रत्येकी १-१ हजार रुपये देऊन बँक खाती खरेदी केली. यामागील गुन्हेगाराचे नाव प्रतीक पटेल आहे. हा व्यक्ती फरारी आहे.