लाडकी बहीण योजनेबाबत आज विधानसभेत चर्चा झाली. यावेळी महिलांनी लाडकी बहीण योजनेच्या लाभार्थ्यांची आकडेवारी सांगितली आहे. जवळपास अडीच कोटी महिला या योजनेचा लाभ घेत आहेत. या योजनेत आता महिलांना ईकेवायसी करणेदेखील अनिवार्य केले आहे. जर केवायसी केले नाही तर महिलांना योजनेचा लाभ मिळणार नाहीये. याबाबत आदिती तटकरेंनी माहिती दिली आहे.

आतापर्यंत किती लाडक्या बहिणींची केवायसी झाली? (Ladki Bahin Yojana KYC Update)

आदिती तटकरेंनी ईकेवायसीबाबत माहिती देताना सांगितले की, लाभार्थींचे अचूक प्रमाणीकरण करण्यासाठी सुरू करण्यात आलेल्या ई-केवायसी प्रक्रियेत मोठी प्रगती झाली आहे.आतापर्यंत 1 कोटी 74 लाखांहून अधिक महिलांची ई-केवायसी पूर्ण झाली आहे. ई-केवायसीची अंतिम मुदत 31 डिसेंबर असून, उर्वरित लाभार्थ्यांनाही ही सुविधा उपलब्ध आहे.

लाडक्या बहिणींना केवायसी करण्याची शेवटची तारीख (Ladki Bahin Yojana KYC Deadline)

डिसेंबर अखेरपर्यंत सर्व महिलांना केवायसी पूर्ण करायची आहे. ज्या महिला केवायसी करणार नाहीत. त्यांचा लाभ बंद होणार आहे. फेब्रुवारीपासून त्या महिलांना पैसे मिळणार नाहीत. याचसोबत ई केवायसीमधून फक्त पात्र महिलांनाच योजनेचा लाभ मिळणार आहे. त्यामुळे निकषाबाहेर जाऊन ज्या महिलांनी लाभ घेतला आहे त्यांचे अर्ज बाद केले जाणार आहेत.

लाडकी बहीण योजनेबाबत अनेक प्रश्न आज विधानसभेत विचारण्यात आले. यावर मंत्री आदिती तटकरेंनी माहिती दिल आहे. त्यांनी सांगितले की,  २ कोटी ४३ लाख ८२ हजार ९३६  महिला योजनेचा लाभ घेत आहेत. यातील काही महिलांचे अर्ज बाद करण्यात आले आहेत. यामध्ये अनेक सरकारी कर्मचाऱ्यांनीही लाभ घेतला आहे. त्यांचे अर्ज बाद करण्यात आले आहेत. त्यांच्याकडून वसूलीदेखील केली जात आहे, असंही सांगण्यात आलं.