मुख्यमंत्री लाडकी बहीण जोजनेचा लाभ आता उत्तर भारतीयांनाही मिळणार आहे. मुख्यमंत्री एकनाथ शिंदेंच्या शिवसेनेने योजना नोंदणीसाठी उत्तर भारतीय संवाद सभा सुरू केली आहे. माजी खासदार आणि शिवसेना प्रवक्ता संजय निरुपम यांच्या उपस्थितीत कार्यक्रमाला सुरुवात होणार आहे. उत्तर भारतीय पॉकेट्स असलेल्या ४० उत्तर भारतीय संवाद सभांचं आयोजन करण्यात आल्याची माहिती आहे. भियानाची सुरुवात शुक्रवार, २ ऑगस्ट २०२४ रोजी सायंकाळी मालाड पश्चिम येथून करण्यात येणार

पहिल्या टप्प्यात 18 ठिकाणी उत्तर भारतीय संवाद सभा अभियान राबविण्यात येणार आहे. उत्तर भारतीय महिलांना या योजनेत जोडण्याकरिता शिवसेनेचा प्रयत्न आहे. मुंबई आणि मुंबई मेट्रो परिसरातील नालासोपारा, बोरीवली, दहिसर, कांदिवली, मालाड, गोरेगाव, दिंडोशी, जोगेश्वरी, अंधेरी, कालिना, चांदिवली, चेंबूर, घाटकोपर, माहीम आणि वरळी येथेही उत्तर भारतीय संवाद सभा अभियान राबविण्यात येणार आहे.