रणजित माजगावकर, कोल्हापूर| ता. २८ डिसेंबर २०२३

Kolhapur Bus Accident:

कोल्हापूरमधून एक भीषण अपघाताची घटना समोर आली आहे. कोल्हापुरातील कुरुंदवाड आगाराहून गणेशवाडीला जाणाऱ्या बसला अपघात झाला. या अपघातात शाळकरी विद्यार्थ्यांसह अनेक प्रवासी जखमी झाले आहेत. एसटीच्या स्टेअरिंगमध्ये बिघाड होऊन चालकाचा ताबा सुटल्याने हा अपघात झाल्याचे सांगण्यात येत आहे.

याबाबत सविस्तर माहिती अशी की, कोल्हापुरातील (Kolhapur) कुरुंदवाड आगाराहून गणेशवाडीला जाणाऱ्या बसचा भीषण अपघात झाल्याची माहिती समोर आली आहे. शिरोळ तालुक्यातील शेडशाळ माळभाग ही घटना घडली. अचानक समोरून येणाऱ्या वाहनाला रस्ता देताना बसच्या स्टेरिंग मध्ये बिघाड झाल्याने चालकाचा ताबा सुटला.

यानंतर बस थेट रस्त्याच्या बाजूला असलेल्या चारीमध्ये जाऊन अडकली. अपघातावेळी बसमध्ये (Bus Accident) विद्यार्थ्यांसह ४७ प्रवासी होते. यामधील अनेक जण जखमी झाल्याचे सांगण्यात येत आहे. या अपघातानंतर स्थानिकांनी धाव घेत प्रवाशांना बाहेर काढले. अपघातातील जखमींना उपचारासाठी रुग्णालयात दाखल करण्यात आले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मध्यप्रदेशात बसचा अपघात!

मध्य प्रदेशातील गुना जिल्ह्यात बुधवारी रात्री डंपर ट्रकला धडकल्यानंतर बसला भीषण आग लागल्याची घटना घडली आहे. इंडिया टुडेने दिलेल्या वृत्तानुसार, या आगीत 13 जणांचा होरपळून झाला आहे. या अपघातात 17 प्रवासी जखमी झाले आहेत. जखमींना जिल्हा रुग्णालयात दाखल करण्यात आले असून त्यांची प्रकृती धोक्याबाहेर आहे. (Latest Marathi News)