जागेअभावी कोल्हापूर शहरात होणाऱ्या आयटी पार्कला ब्रेक लागला होता. मात्र आता रोजगारनिर्मितीचा मार्ग मोकळा झालाय. मात्र आता ही अडचण दूर होण्याची शक्यता निर्माण झालीय. कोल्हापूर जिल्ह्यात आयटीपार्क स्थापनेसह आवश्यक जागा उपलब्ध करून देण्याच्या प्रस्तावास शासनाने मंजुरी देण्यात आलीय. त्यामुळे आयटीपार्क निर्मितीचा मार्ग मोकळा झाला असल्याची माहिती राज्य नियोजन मंडळाचे कार्यकारी अध्यक्ष राजेश क्षीरसागर यांनी दिली.

क्षीरसागर यांनी प्रसिद्धीपत्रकाद्वारे कोल्हापूर जिल्ह्यात आयटीपार्कसाठी जागा उपलब्धतेच्या प्रस्तावास मंजुरी दिल्याची माहिती दिलीय. याबद्दल त्यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री अजित पवार यांचे आभार मानलेत. शेंडा पार्क येथील आरोग्य व कृषी विभागाच्या जागा आयटीसह विविध शासकीय प्रयोजनांसाठी उपलब्ध करून देण्याचा प्रस्ताव दीर्घकाळ प्रलंबित होता. मुख्यमंत्री आणि उपमुख्यमंत्र्यांकडे याबाबत सातत्याने पाठपुरावा करण्यात आला.

शेंडा पार्क येथील आयटी पार्कसह इतर शासकीय उपयोगांसाठी आवश्यक जागा देण्यास शासनाने मंजुरी दिलीय. त्यामुळे आगामी काळात आयटीपार्कच्या माध्यमातून कोल्हापूरच्या विकासाचे संधी खुले होणार असल्याचा विश्वास आमदार राजेश क्षीरसागर यांनी व्यक्त केला आहे. आयटी क्षेत्र विकसित झाल्याने मोठ्या प्रमाणात रोजगारनिर्मिती होणार आहे. त्याचा थेट लाभ कोल्हापूर जिल्ह्यातील स्थानिक युवक-युवतींना मिळेल.

यासोबतच शहराच्या आणि जिल्ह्याच्या आर्थिक उत्पन्नातही लक्षणीय वाढ होण्याची अपेक्षा आहे, असं क्षीरसागर म्हणालेत. कोल्हापूर आयटी क्षेत्रासाठी पूरक असूनही जागेअभावी आयटी पार्कचा मुद्दा मागे पडत होता, मात्र आमदार राजेश क्षीरसागर यांनीही हा मुद्दा विधानसभेत वारंवार उपस्थित करत केला. आज शासनाने त्याला मान्यता दिलीय.