कोल्हापूर : संपूर्ण राज्याला आदर्श घालून देणारी घटना कोल्हापूर (kolhapur) जिल्ह्यातल्या हुपरी नगरपरिषदेत घडली आहे. कारण हुपरी येथील नगरपरिषदेनं एका तृतीयपंथीला स्वीकृत नगरसेवक (Corporator) बनवलं आहे. तातोबा हांडे असं या तृतीतयपंथी नगरसेवकाचं नाव आहे. आज पार पडलेल्या विशेष सर्वसाधारण सभेत सत्ताधारी ताराराणी आघाडीने हांडे यांना हा बहुमान दिला आहे. (Kolhapur Hupari Transgender Nominated Corporator)

बहुमत असेल तर या राज्याचा मुख्यमंत्री तृतीयपंथी सुद्धा होऊ शकतो. असं वक्तव्य विधानसभेचे विरोधीपक्षनते अजित पवार यांनी काय दिवसांपूर्वी केलं होतं. आजरपर्यंत प्रत्यक्षात राजकारणात असे चित्र आजपर्यंत पाहायला मिळाले नाही.राजकारणामध्ये नेहमीच तृतीयपंथी यांना संघर्ष करावा लागला आहे.

मात्र आज हुपरी नगरपरिषदेनं तृतीयपंथीची निवड करून संपूर्ण राज्यातील राजकारणाला आदर्श घालून दिला आहे. तातोबा हांडे हुपरीतील अनेक सामाजिक उपक्रमात अग्रेसर असतात. तृतीयपंथीयांच्या अनेक प्रश्नावर लढा देतात.

त्यामुळे हुपरी नगरपालिकेच्या निवडणुकीत त्याना ताराराणी आघाडीच्या वतीने उतरवण्यात येणार होत मात्र तांत्रिक अडचणीमुळे त्याना निवडणूक लढता आली नाही.

त्यामुळे ताराराणी आघाडीचे नेते राहुल आवाडे यांनी त्याना स्वीकृत नगरसेवक म्हणून घेण्याचा निर्णय घेतला. दरम्यान आवाडे यांच्या या निर्णययाचे हुपरीकरांनीही स्वागत केलं. या निवडीमुळे तृतीयपंथीयामध्ये आनंदाच वातावरण आहे.

Edited By - Satish Daud