कोल्हापूर : हातकणंगले गावामध्ये राहणाऱ्या विजय कोळी यांनी ॲमेझॉन या वेबसाईटवरून लहान मुलांसाठी बंदूक मागवली होती. या बंदुकीची किंमत त्यांनी ऑनलाईन पेमेंट द्वारे दिली होती. ॲमेझॉनचे पार्सल दिलेल्या पत्त्यावर वेळेत पोहोचलं. मात्र, त्या पार्सलमध्ये लहान मुलांच्या बंदुकीऐवजी चक्क दगड पाठवण्यात आल्याचे उघड झालं.

आज जेव्हा या बंदुकीची डिलिव्हरी करण्यासाठी डिलिव्हरी बॉय आला असता त्या पार्सलमधून एक दगड मिळाला. त्यासाठी संबंधित कार्यालयाशी संपर्क साधला असता त्यांनी उडवा उडवीची उत्तरे दिली. विजय कोळी आणि त्यांच्या मित्रांनी डिलिव्हरी बॉयचा जबाब नोंदवला आणि त्याच्याकडून रोख पैसेही परत घेतले. मात्र, ऑनलाइन पद्धतीने जर आपण खरेदी करत असाल तर नागरिकांनी सतर्क राहण्याची गरज आहे.