कोल्हापूर : कोल्हापूर जिल्ह्यातील राधानगरी धरणाचा दरवाजा उघडला असतानाच अडकल्याची घटना आज सकाळी घडली होती. धरणाचे काहीतरी तांत्रिक काम करत असताना अडकला दरवाजा अडकल्याचं सांगितलं गेलं होतं. धरणाचा (Radhanagari Dam) दरवाजा (Door) उघडा राहिल्यानं कित्येक क्युसेक लिटर पाण्याचा विसर्ग सुरु झाला होता. आता अखेर हा दरवाजा बंद करण्यात प्रशासनाला यश आलं आहे. (Kolhapur Breaking: Administration finally succeeds in closing the gate of Radhanagari Dam ...)

हे देखील पहा -

दुपारी 3.15 मिनिटांनी धरणाचा दरवाजा बंद करण्यात प्रशासनाला यश आलं आहे. जलसंपदा विभागाच्या अथक परिश्रम नंतर धरणाचा दरवाजा बंद करण्यात आला त्यामुळे आता पाण्याचा विसर्ग बंद झाल्याने कोल्हापूरकरांनी (Kolhapur) सुटकेचा निश्वास घेतला आहे. मात्र हा दरवाजा अडकून राहिला असता तर धरणाच्या दरवाज्यातून मोठ्या प्रमाणात पाण्याचा विसर्ग सुरु राहून नदीकाठावरील गावांना धोका निर्माण झाला असता. मात्र आता परिस्थिती पुर्णतः नियंत्रणात आहे.

Edited By - Akshay Baisane