- चेतन व्यास

Wardha News :

शेतकऱ्यांच्या समस्यांकडे सरकारचे लक्ष वेधण्यासाठी किसान काँग्रेसच्या वतीने ४ ते ११ डिसेंबर या कालावधीत शेतकरी संवाद यात्रा काढण्यात येणार आहे. किसान काँग्रेसचे प्रदेशाध्यक्ष पराग पष्टे (parag pashte) यांनी वर्धा येथे आयोजिलेल्या पत्रकार परिषदेत यात्रे संदर्भात माहिती दिली. (Maharashtra News)

पराग पष्टे म्हणाले राज्यातील शेतकरी विविध कारणांनी आर्थिक संकटात सापडला आहे. सरकराने राज्यात सरसकट तात्काळ दुष्काळ जाहीर करावा, सर्व प्रकारच्या पिकविम्याची रक्कम तात्काळ शेतकऱ्यांना मिळावी, सोयाबीन, कापूस, धान या पिकांसह सर्व पिकांचे हमीभाव खरेदी केंद्र त्वरित सुरू करावे, जंगली जनावरांमुळे झालेल्या पिकांच्या नुकसानासाठी विशेष पिकवीमा लागू करावा या व अन्य मागण्यांसाठी ही यात्रा आहे.

पराग पष्टे पुढे बाेलताना म्हणाले नंदुरबार ते नागपूर अशी ही यात्रा असेल. ही यात्रा प्रत्येक दिवशी १० किलोमिटरची असणार आहे. ४ डिसेंबरला नंदूरबार जिल्ह्यातून ही यात्रा सुरू होऊन धुळे, जळगाव, बुलडाणा, अकोला, अमरवती, वर्धा या जिल्ह्यातून नागपूरला पाेहचेल. नागपूर येथे ११ डिसेंबरला या यात्रेचे मोर्चात रूपांतर होईल असेही पराग पष्टे यांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar