सांगली : भाजप आणि शिवसेना नेत्यांमध्ये जोरदार आरोप-प्रत्यारोप सुरू आहेत. मुंबईत झालेल्या भाजपच्या सभेत विरोधी पक्षनेते देवेंद्र फडणवीस यांनी शिवसेना आणि मुख्यमंत्री उद्धव ठाकरेंवर ( Uddhav Thackeray ) जोरदार टीका केली होती. त्यानंतर शिवसेना नेत्यांनी देखील विरोधी पक्षनेते देवेंद्र फडणवीसांवर चौफेर टीका केली होती. दोन्ही पक्षांच्या नेत्यांमध्ये आताही टीका सुरूच आहे. दरम्यान, सांगलीच्या आटपाडीमध्ये भाजप नेते, माजी खासदार किरीट सोमय्या ( Kirit somaiya ) यांनी मुख्यमंत्री उद्धव ठाकरे यांच्यावर जोरदार टीका केली आहे. उद्धव ठाकरेंनी मुख्यमंत्री पदाच्या खुर्चीसाठी आपलं स्वाभिमान विकलं, अशा शब्दात सोमय्यांनी ठाकरेंवर टीकास्त्र सोडलं आहे. ते सांगलीच्या आटपाडीमध्ये बोलत होते.

हे देखील पाहा - (kirit somaiya has criticized cm uddhav thackeray )

भाजप नेते किरीट सोमय्या यांनी मुख्यमंत्री उद्धव ठाकरेंवर सांगलीतील आटपाडीमध्ये जोरदार निशाणा साधला आहे. सोमय्या म्हणाले, 'नरेंद्र मोदीच्या (Narendra Modi ) नावावर ज्यांनी मते घेतली त्यांनीच मुख्यमंत्री पदाच्या खुर्चीसाठी आपलं स्वाभिमान विकलं. तसेच महाराष्ट्राला बदनाम करण्याचं काम या माफिया सेन्याच्या नेत्यांनी केलं, अशी खरमरीत टीका भाजप नेते, माजी खासदार किरीट सोमय्या ( kirit somaiya ) यांनी मुख्यमंत्री उद्धव ठाकरे (Uddhav Thackeray ) यांच्यावर केली.

किरीट सोमय्या पुढे म्हणाले,'रामाच्या नावाने आणि भगवा झेंडा हातात घेऊन मतं मिळवली. आता आदाब करायला लागणाऱ्या मुख्यमंत्र्यांना महाराष्ट्रमधील जनता माफ करणार नाही'. 'वसुली आणि माफिया सरकारपासून महाराष्ट्राला मुक्त करण्याचा आम्ही विडा उचलला आहे. तो आम्ही करूनच दाखवणार, असं देखील सोमय्या म्हणाले.

सांगलीत सदाभाऊ खोत यांची महाविकास आघाडीवर टीका

सांगलीच्या आटपाडीमध्ये शेतकरी संघटनेचे नेते सदाभाऊ खोत यांनीही महाविकास आघाडीवर जोरदार निशाणा साधाला. 'यंदा महाराष्ट्रभर हर्बल तंबाखूचा पेरा होऊ द्या, आम्हाला सरकारने हर्बल तंबाखूचे बियाणे द्यावे. एकदा आमची पण गरिबी हटू द्या, अशी उपरोधात्मक मागणी सदाभाऊ खोत यांनी महाविकास आघाडी सरकारकडे केली आहे. 'नवाब मलिक यांच्या जावयाकडे गांजा सापडला. पण सरकारने तो हर्बल तंबाखू असे सांगितलं, असंही सदाभाऊ खोत म्हणाले.

Edited By - Vishal Gangurde