अभिजित देशमुख
कल्याण : एक्सप्रेसमध्ये प्रवासी झोपेत असल्याचा फायदा घेत मोबाईल चोरणाऱ्या दोन चोरट्यांना (Kalyan) कल्याण रेल्वे पोलिसांनी अटक केली आहे. त्यांच्याकडून एक लाख २२ हजार रुपये किमतीचे एकूण आठ मोबाईल (Mobile) जप्त केले. तसेच कल्याण रेल्वे पोलीस ठाण्यातील पाच गुन्ह्यांची उकल त्यांच्याकडून करण्यात आली आहे. (Latest Marathi News)

मेल एक्सप्रेस तसेच (Railway) रेल्वे स्टेशनवर मोबाईल चोरीच्या घटना वाढत असल्याने रेल्वे पोलिसांकडून या चोरट्यांचा शोध सुरू होता. कल्याण रेल्वे पोलीस ठाण्याचे वरिष्ठ पोलीस निरीक्षक पंढरीनाथ कांदे, पोलीस अधिकारी प्रमोद देशमुख यांच्या पथकाने या चोरट्यांचा शोध सुरू केला. कल्याण रेल्वे स्टेशनवर (Kalyan Railway Station) रेल्वे पोलिसांच्या पथकाची गस्त सुरू असताना दोन जण त्यांना संशयितरित्या फिरताना आढळून आले. पोलिसांना संशय आल्याने पोलिसांनी (Railway Police) या दोघांनाही ताब्यात घेतले. फईमराज शेख व कैफ शेख असे या दोन चोरट्यांची नावे आहेत. रेल्वे पोलिसांनी या दोघांची झडती घेतली असता त्यांच्याकडे आठ मोबाईल आढळले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ताब्यात घेतलेल्या चोरट्यांनी चौकशी केली असता सदरचे मोबाईल चोरीचे असल्याचे निष्पन्न झाले. दोघेही मूळचे नाशिक येथे राहणारे आहेत. हे दोघं नशा करून एक्सप्रेसमध्ये चढायचे, रेल्वे स्टेशनवर फिरायचे, प्रवासी झोपेत असल्याची संधी साधत त्यांचे मोबाईल फोन चोरून पसार होत. या दोघांकडून कल्याण रेल्वे पोलीस ठाण्यातील मोबाईल चोरीच्या पाच गुन्ह्यांची उकल झाली आहे. या दोघांनी आणखी काही मोबाईल चोरी केल्याचे संशय पोलिसांना असून रेल्वे पोलीस याप्रकरणी पुढील तपास करत आहेत.