अभिजीत देशमुख

कल्याण : कल्याणमधील एका मोबाइलच्या दुकानात अज्ञात चोरट्यानी डल्ला मारल्याची घटना मध्यरात्रीच्या (Kalyan News) सुमारास घडली आहे. तब्बल तीन लाखांचे मोबाईल चोरट्यांनी चोरल्याचे समोर आले आहे. हे चोरटे दुकानातील सीसीटिव्ही (CCTV) कॅमेरात कैद झालेत. (Tajya Batmya)

कल्याण पश्चिमेतील अहिल्याबाई चौक परिसरात एका मोबाईलच्या दुकानात चोरट्याने डल्ला मारलाय. मोबी वर्ल्ड नावाच्या या दुकानातील जवळपास तीन लाखाचे मोबाईल घेऊन अज्ञात चोरटा पसार झाला आहे. काल मध्यरात्रीच्या सुमारास ही घटना घडली असून चोरीची घटना सीसीटिव्ही कॅमेरात कैद झाली आहे.

पोलिसांकडून तपास सुरू

या प्रकरणी बाजारपेठ पोलीस ठाण्यात गुन्हा दाखल करण्यात आला आहे. सीसीटीव्हीच्या आधारे कल्याण बाजारपेठ पोलिसांनी चोरट्याचा शोध सुरू केला. चोरीची घटना घडल्याने परिसरात एकच खळबळ उडाली आहे.